È sixu mɔ nukúnnú jɛ wɛn ɖaxó hugǎn ɔ wu ǎ, enyi è ma mɔ nukúnnú jɛ tagba gbɛ̀ ɔ tɔn mɛ jɛ nukɔn ǎ ɔ nɛ.

È sixu mɔ nukúnnú jɛ wɛn ɖaxó hugǎn ɔ wu ǎ, enyi è ma mɔ nukúnnú jɛ tagba gbɛ̀ ɔ tɔn mɛ jɛ nukɔn ǎ ɔ nɛ. A mɔ xɔntɔn ce, mi gbɛtɔ lɛ nɔ hu hwɛ.

Mɛ bǐ wɛ hu hwɛ, bó gɔn susu Mawu tɔn ɖó, nǔgbó ɔ́, hwɛjijɔnɔ ɖěbǔ ɖo ayǐkúngban jí bó nɔ́ wa nǔ ɖagbe hwebǐnu, bó nɔ́ hu hwɛ gbeɖé ǎ.

Hwɛ mǐtɔn ɔ, nǔɖe wɛ bo nɔ klán mǐ ɖó vo nú Mawu, hwɛhuhu ɔ, aɖǐ wɛ bɔ nyɛ kpo hwi kpo xɔ́ntɔn ce, mǐ hu hwɛ dó Mawu bo jɛxa tódɔnnúmɛ mavɔmavɔ ɖò zomɛ bɔ Mawu na ɖó hwɛ nú mǐ ɖó hwɛ mǐtɔn lɛ wu, afi nú Mawu sɔ́ hwɛ mǐtɔn lɛ kɛ mǐ.

Nú mǐ ma sixú hwlɛn mǐ gán sín hwɛ mǐtɔn lɛ́ɛ mɛ, bó ná yi zomɛ ǎ ɔ́, mǐ sixú ɖó gbɛ mavɔmavɔ ɖo Mawu gɔ́n ǎ. Mɛ e hu hwɛ ɔ́ ná kú. Fí gudogudo tɔn 2 wɛ gbɛtɔ́ lɛ na yì. Mɛɖé lɛ na yì zomɛ, ɖò tódɔnnúmɛ mavɔmavɔ mɛ bɔ mɛɖé lɛ na ɖó gbɛ̀ mavɔmavɔ ɖò jixwé yɔyɔ̌ kpo ayikúngban yɔyɔ̌ kpo mɛ.

Nǔgbó énɛ́ ɔ́, è ɖe xlɛ́ mǐ ɖó xwè afatɔ́n mɔkpan ɖíe ɔ́, Mawu e nyí nǔɖíɖó wɛkɛ ɔ́ bǐ tɔn é ɖɔ xó nú gbɛtɔ́ lɛ́ɛ dó "hwlɛnhwlɛntɔ́" e ná ji ɖo ayǐkúngban jí, bó ná nɔ gbɛ hwɛjijɔnɔ mɛ, bɔ hwɛhuhu ɖěbǔ ma ná jɛ ǎ é wú.

È ko ɖɔ ɖ’ayǐ ɖò xwè afatɔ́n mɔkpan ɖíe ɖɔ togun tɔn kpo acɛkpikpa tɔn lɛ kpo wɛ na hu nya enɛ, sɔgbe xá wema Klisanwun tɔn lɛ kpo nǔɖiɖi tɔn kpo ɔ, è ko ɖɔ ɖ’ayǐ ɖò xwè kanweko mɔkpan jɛ nukɔn nú jiji tɔn ɖɔ è na hu i bo na xwè è dó akluzu jí bo na sɔ́ gbɛ̀ tɔn jó dó súnsún hwɛ mǐtɔn lɛ na, bo na dó savɔ̌ nú hwɛ mǐtɔn lɛ.

Ɛɛn, xɔntɔn ce, nugbo wɛ.Nya elɔ e ku xwe 2000 ɖie ɔ ku ɖi hwɛsɔkɛmɛ gbɛ ɔ bi tɔn. É kú dó mɛ bǐ tamɛ ɖò hwexónu, ɖò égbé kpo sɔgudo kpo. Tinmɛ tɔn wɛ nyí ɖɔ é kú dó ta towe mɛ, é súnsún hwɛ towe lɛ bonu a na mɔ hwlɛngán. É yí wǎn nú gbɛtɔ́ lɛ́ɛ káká bó kú dó yě bǐ tamɛ ɖo atín jí.

Mɛhwlɛngantɔ́ énɛ́ ɔ́ wɛ nyí gbɛtɔ́ Jezu Klísu, é wá tɔ́n ɖɔ fí e é gosín é nyí Mawu tɔn, gbɛtɔ́ élɔ́ Jezu Klísu ɖɔ émí nyí Mawu ɖésúnɔ! nǔgbó wɛ. Mawu ɖesu, mɛ e ɖó wɛkɛ ɔ é jɛte wá ayikúngban jí ɖi gbɛtɔ́ jɔ gbɛtɔ́, gbɛtɔ́ mlɛ́mlɛ́ kpo Mawu mlɛ́mlɛ́ kpo: Jezu Klisu. È nɔ lɛ́ ylɔ́ ɛ ɖɔ Mawu ví.

Kúnnuɖetɔ́ nukúnmɛ tɔn e mɔ ɛ ɖò xwè 2000 ɖíe lɛ é lɔ ɖekúnnu nú xó enɛ, è wlan dó tan mɛ ɖɔ Jezu Klisu kú hwenu e é ɖó xwè 33 mɔ̌ é, bɔ è sɔ́ ɛ ɖó yɔdo ɖé mɛ bɔ sɔja gbɛ̌ta ɖé cɔ́ ɛ nú azǎn yɔywɛ ɖé bonu mɛɖebǔ ma fin Jezu sín cyɔ ó.

Enɛ gudo ɔ, azǎn 3gɔ́ ɔ gbè ɔ, è ɖe kúnnu ɖɔ Jezu Klisu fɔ́n sín kú (é fɔ́n sín kú, bo ɖu ɖò kú jí.) gbɛtɔ́ 500 mɔ̌ wɛ mɔ bɔ Jezu Klisu fɔ́n sín kú hwenu e é kú nú gbɛ̀ ɔ bo ɖi i gudo é.

Enɛ ɔ gudo ɔ, azǎn 40 lɛ bǐ mɛ ɔ, mɛ gègě mɔ bɔ Jezu yì jixwé hwenu e è d’akpá ɖɔ Jezu Klisu na lɛ́ wá bo na hun gbɛ̀ yɔyɔ̌ ɖé bɔ nǔɖitɔ́ Jezu tɔn lɛ bǐ, mɛ ɖěɖee ɖó nǔɖiɖi n’i ɖɔ é nyí Aklunɔ yetɔn kpo Mɛhwlɛngantɔ́ yetɔn kpo é, mɛ e kú alǒ ɖò gbɛ̀ lɛ é na mɔ agbaza susunɔ ɖé hwenu e é na lɛkɔ wá é, nǔɖitɔ́ e kú lɛ é na lɛ́ fɔ́n sín kú hwenu ɔ, Wìwá tɔn ná ɖyɔ́ bo ná yí agbaza e è sɔ́ susu ná lɛ́ɛ, bó ná ɖu gbɛ mavɔmavɔ sín vivǐ káká sɔ́yi hwenu e kú kpódó hwɛhuhu kpódó nǔ nyanya kpó ná ɖu ɖo yě jí gudogudo tɔn é.

Ganji, xɔ́ntɔn ce Jezu ko wá ǎ, amɔ̌, É na wá, bɔ Jezu na lɛkɔ wá zaanɖé. Enɛ wu ɔ, a ka ɖò gbesisɔmɛ nú wìwá tɔn à? alǒ è na ɖó hwɛ nú we kaka yì zomɛ ɖó a ma yí gbè nú hwɛsɔkɛ mɛ gbɔn nǔ e Jezu wà nú we é gblamɛ ǎ wutu wɛ à?

A mɔ xɔ́ntɔn ce, nyɛ kpódó hwi kpó ɖi hwɛhutɔ́ lɛ́ɛ sixú ɖu hwlɛngán mǐtɔn ǎ. Mǐ ɖó na yí i ɖi nùnina vɔ̌nu ɖé sín Mawu gɔ́n gbɔn nǔɖiɖi nú Jezu Klisu kpo nǔ e é wà é kpo gblamɛ, ɖɔ é kú bo na dó súnsún hwɛ mǐtɔn lɛ, è ɖi i bɔ enɛ gudo ɔ, é fɔ́n sín kú ɖò agbaza lixo, bo ɖu ɖò kú jí bɔ éyɛ kɛɖɛ mɛ wɛ mǐ sixu mɔ gbɛ̀ mavɔmavɔ kpo hwlɛngán kpo ɖè.

Nùɖiɖi nú Jezu ɔ, nǔ e jɛ dó wǔ tɔn lɛ é yíyí kpowun wɛ ǎ, nǔɖiɖi nú Jezu ɔ, jiɖe ɖiɖó dó wǔ tɔn wɛ, é nyí ganjɛwu dó Jezu wu bo na mɔ hwlɛngán, hwɛsɔkɛ mɛ kpo gbɛ̀ mavɔmavɔ kpo. Nú a ɖó nǔɖiɖi nú Jezu ɔ, a na xwedó è. "É byɔ tɛn mímɛ́ ɔ́ mɛ azɔn ɖokpó géé, é nyí gbɔ̌ kpódó nyibúví kpó sín hun wɛ é hɛn ǎ, lo ɔ́, hun é ɖésúnɔ tɔn wɛ é byɔ́, bó mɔ hwlɛngán mavɔmavɔ."

Jezu Klisu ɖesu ɖɔ xwe 2000 ɖíe ɖɔ: “Mawu yí wǎn nú gbɛ ɔ sɔmɔ̌, bo sɔ́ Vǐɖokponɔ tɔn jó, bonu mɛɖebǔ ma kú ó, loɔ, é ni mɔ gbɛ̀ mavɔmavɔ.

Gɔ́ na ɔ, Jezu d’akpá nú mɛɖebǔ e ɖi nǔ n’i é ɖò xwè 2000 ɖíe ɖɔ: “Ma ɖɔ nugbǒ nú mi: mɛ e ɖótó xó ce, bo ɖi nǔ nú mɛ e sɛ́ mì dó é ɔ, é ɖó gbɛ̀ mavɔmavɔ, bɔ è sɔ́ na ɖó hwɛ n’i ǎ, loɔ, é ko tɔ́n sín kú mɛ bo wá gbɛ̀.”

Ma ɖɔ nugbǒ nú mi: mɛ e ɖi nǔ nú mì ɔ mɔ gbɛ̀ mavɔmavɔ.”

Gɔ́ na ɔ, Jezu ɖɔ nú we égbé xɔ́ntɔn ce ɖɔ, ‘xwedó mì’: “Nú mɛɖé jló na xwedó mì ɔ, é ɖó na jó éɖée dó, bo na hɛn akluzu tɔn, bo na xwedó mì.” Jezu wɛ nyí ali ɔ, nugbǒ ɔ kpo gbɛ̀ ɔ kpo, Mɛɖebǔ sixu yì Mawu gɔ́n zɛ é wu ǎ. Xwedó Jezu ɖó é ɖokpónɔ géé wɛ sixú hwlɛn lindɔ̌n towe gán.

...........................................................................................................................................

Jezu ɖɔ: “Nyɛ wɛ nyí fínfɔ́n sín kú, bo lɛ́ nyí gbɛ̀: mɛ e ɖi nǔ nú mì ɔ, é na bo kú ɔ, é na nɔ gbɛ̀ gbeɖé ǎ.

...........................................................................................................

Xɔ́ntɔn ce, mɛ bǐ wɛ hu hwɛ, bó gɔn susu Mawu tɔn mɔ, bɔ fɛ́nú tɔn zɔ́n bɔ è sɔ́ mǐ dó húzú hwɛjijɔnɔ ná, ɖó hwlɛngán e Klísu Jezu xɔ ɔ́ wú. Nǔgbó ɔ́, fɛ́nú Mawu tɔn mɛ wɛ mi mɔ hwlɛngán gbɔn; é ka nyí nǔníná Mawu tɔn wɛ ǎ; é nyí nǔ e mi wa ɔ́ wú wɛ ǎ, bónú mɛɖé ma sixú yí go ó. Énɛ́ ɔ́ wú ɔ́, mi lɛ́ kɔ sín hwɛ mitɔn lɛ́ɛ gúdo, bó lɛ́ kɔ wá, bónú Mawu ná súnsún hwɛ mitɔn lɛ́ɛ.

Đó axɔ́ e hwɛhuhu nɔ sú mɛ ɔ́ wɛ nyí kú, lo ɔ́, nǔníná e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ná mɔ ɖo bǔ e mǐ ɖe xá Klísu Jezu Aklúnɔ mǐtɔn mɛ é mɛ é. Lě e Mawu ɖe wǎn yíyí tɔn xlɛ́ mǐ gbɔn ɔ́ ɖíe: é sɛ́ Vǐɖokponɔ tɔn dó gbɛ ɔ́ mɛ, bónú mǐ ná nɔ gbɛ gbɔn jǐ tɔn.

Wǎn yíyí ɔ́ ɖíe: é nyí mǐdɛɛ lɛ́ɛ wɛ yí wǎn nú Mawu ǎ; Lo ɔ́, Mawu ɖe wǎn yíyí tɔn xlɛ́ mǐ, ɖó hwenu e mǐ kpo ɖo hwɛhutɔ́ nyí wɛ ɔ́, Klísu kú dó ta mǐtɔn mɛ.

Hǔn, din e Mawu sɔ́ mǐ dó húzú hwɛjijɔnɔ gbɔn hun Jezu tɔn gbla mɛ ɔ́, nɛ̌ é ka ná hwlɛ́n mǐ gán sín xomɛsin Mawu tɔn mɛ gbɔn é jí.

Mawu é na bo nyí mɛ vovo 3, Tɔ́, Vǐ (Jezu Klisu), kpo Yɛsinsɛn kpo ɔ, é nyí nǔɖogbɛ ɖokpo géé, Mawu ɖokpo géé wɛ bo nyí mɛ vovo 3 (é nyí nǔmɛsɛn vovo 3 ǎ) Mawu tɔ́ ɔ kpo Mawu Yɛsinsɛn ɔ kpo nyí Mawu bǐ mlɛ́mlɛ́, Jezu Klisu lɔ nyí Mawu bǐ mlɛ́mlɛ́ é na bo nyí gbɛtɔ́ bĭ ɖi mǐ ɖɔhun ɔ, a! Jezu nyí Mawu bo lɛ́ nyí gbɛtɔ́ ɖò hwe ɖokpo ɔ nu! Jezu wɛ nyí hwlɛngantɔ́ gbɛ̀ ɔ tɔn. Xɔ́ntɔn ce, nyǐkɔ ɖěvo ɖo ayǐkúngban glɔ́ bɔ è sɔ́ ná gbɛtɔ́ lɛ́ɛ bɔ mǐ ná mɔ hwlɛngán gbɔn jí zɛ Jezu Klísu sín nyǐkɔ wú ǎ.

Jezu kú nú we bo na dó sɔ́ hwɛ towe lɛ kɛ we, é gbɔn wuvɛ̌ kpo wuvɛ̌ mimɔ kpo gègě mɛ bonu kú tɔn na dó sixu sɔ́ hwɛ kɛ we bo na lɛ́ na ganjɛwu gbɛ̀ mavɔmavɔ tɔn a na bo kú ɔ, fínfɔ́n sín kúzán ɖé na tíìn bɔ ayikúngban e è na vɔ́ blóɖó é kpo jinukúnsin e è vɔ́ blóɖó é kpo na tíìn.

Un ɖo byɔ̌byɔ́ mi wɛ ɖɔ mi ní ɖi nǔ nú Jezu Klísu e nyí Aklúnɔ mitɔn kpódó Mɛhwlɛ́ngántɔ́ mitɔn kpó é. Mi kɛnklɛn bo ɖi nǔ nú wɛnɖagbe ɔ cobɔ hwenu na wá yì. Mi lɛkɔ sín hwɛ mitɔn lɛ gudo (mi lɛkɔ sín hwɛhuhu gudo bo lɛkɔ wá Mawu gɔ́n) bo ɖeji dó Jezu Klisu wu bǐ mlɛ́mlɛ́ égbé. Mi ní kplɔ́n nǔ gègé dó Mawu wú, bó nɔ́ xa nǔ gègé dó wǔ tɔn ɖó é nɔ kpé nukún dó mi wú ("Mi sɔ́ adohu adohu mitɔn lɛ́ɛ bǐ ɖó jǐ tɔn, ɖó é nɔ kpé nukún dó mi wú."). Xwedó Jezu sín égbé, ma nɔte ó! Sɔ ɔ, é ɖò wɛn ǎ! Mi kɛnklɛn bo kan nuɖe byɔ...