A lingbi ti gbu nda ti kota sango so ahon atanga ni kue pëpe sân ti gbu nda ti kpale ti sese so kozoni. Mo bâ kamarade ti mbi, e azo e yeke sara siokpari.

A lingbi ti gbu nda ti kota sango so ahon atanga ni kue pëpe sân ti gbu nda ti kpale ti sese so kozoni. Mo bâ kamarade ti mbi, e azo e yeke sara siokpari.

Azo kue asara siokpari awe na ala lingbi pëpe ti wara gloire ti Nzapa, biani, mbeni zo ti mbilimbili so ayeke sara ye ti nzoni lakue nga so ayeke sara siokpari lâ oko pëpe ayeke dä pëpe na ndo ti sese so.

Siokpari ti e ayeke mbeni ye so akangbi popo ti e na Nzapa, siokpari ayeke poison na mo na mbi, kamarade ti mbi, e sara siokpari na Nzapa na e lingbi na punition ti lakue lakue na enfer na a lingbi Nzapa afâ ngbanga na li ti e ndali ti asiokpari ti e gi tongana Nzapa apardone e.

Tongana a lingbi ti zi e na yâ ti asiokpari ti e pëpe nga ti gue na enfer pëpe, e lingbi pëpe ti wara fini ti lakue lakue na tere ti Nzapa. Âme so asara siokpari ayeke kui. A yeke wara ndangba ndo 2 so azo ayeke gue dä. Ambeni ayeke gue na enfer, na punition ti lakue lakue na ambeni ayeke wara fini ti lakue lakue na yayu nga na fini sese.

A fa tene so na e ngbanga ti so a sala angu saki mingi awe, Nzapa so ayeke wasalango ye kue asala tene na azo na ndo “sauveur” so ayeke dü ande na sese na so ayeke duti ande na fini ti mbilimbili na siokpari oko pepe.

A sala tene ti prophétie awe a sala angu saki mingi awe so fade azo ti Lo mveni na akota zo ti Lo ayeke fâ zo so, na lege ti Mbeti ti Nzapa ti aChrétien nga na mabe a sala tene ti prophétie angu ngbangbo mingi kozoni si a dü Lo so a yeke fâ Lo na a yeke fâ Lo na ndo keke ti pasi na lo yeke mu fini ti Lo tongana sandaga ti zingo siokpari ti e, tongana sandaga teti asiokpari ti e.

Biani, kamarade ti mbi, tënë so ayeke tâ tënë.Koli so akui a sara ngu 2000 tongaso awe so akui tongana ye ti zingo siokpari ti azo ti dunia kue. Lo kui ndali ti azo kue ândö, laso nga na ngoi so ayeke ga. So ti tene Lo kui ndali ti mo, Lo zi siokpari ti mo si mo lingbi ti wara salut. Lo ndoye azo juska lo kui ndali ti ala kue na ndo ti mbeni keke ti croix.

Sauveur so ayeke zo Jésus Christ, so afa so tongo nda ti Lo ayeke ti Nzapa, zo so Jésus Christ atene lo yeke Nzapa mveni! a yeke tâ tënë. Nzapa mveni, wasalango ye kue aga na sese tongana mbeni tâ zo, zo kue na Nzapa kue: Jésus Christ. Lo so a iri lo nga Molenge ti Nzapa.

Ye so nga ayeke tënë ti témoin so abâ Lo na lê ti ala a sara ngu 2000 awe, a sû na yâ ti mbaï so Jésus Christ akui na ngoi so lo yeke na ngu 33 tongaso na a zia lo na yâ ti mbeni dû ti kuâ so mbeni bungbi ti aturugu abata ni teti ambeni lango tongaso si zo oko anzi kuâ ti Jésus pëpe.

Na pekoni na lango 3 ni a sala tënë ti témoin so Jésus Christ akiri na fini (a zingo na kuâ, lo hon ndo ti kuâ.) azo ndulu na 500 abâ Jésus Christ so azingo na kuâ na peko ti so Lo kui teti sese kue na a lu lo.

Na pekoni, na yâ ti lango 40 ni kue, azo mingi abâ Jésus so amonté na yayu na ngoi so a mû zendo so Jésus Christ ayeke kiri ti ga ti fa mbeni fini dunia so azo kue so amä na bê na Jésus, azo so ayeke na mabe na lo tongana Seigneur na Sauveur ti ala, so akui wala so ayeke na fini ayeke wara ande mbeni tere so a mû gloire na ni na ngoi so lo yeke kiri ande, azo so akui awe so amä na bê na ngoi ti kuâ ayeke nga na ngoi ti . Fade gango ti lo ayeke gbian na lo yeke wara tele so a mû gloire na lo yeke wara fini ti lakue lakue tongana kuâ na siokpari na sioni ahon na ngangu na nda ni.

Nga, kamarade ti mbi Jésus ade ti ga pëpe, me Lo yeke ga, na Jésus ayeke kiri ande hio. Tongaso, mo leke tele ti mo teti gango ti Lo? wala a yeke fâ ngbanga na li ti mo ti gue na enfer ndali ti so mo yeda pëpe na pardon na lege ti ye so Jésus asara ndali ti mo?

Mo ba kamarade ti mbi, mbi na mo tongana awasiokpari e lingbi pepe ti wara salut ti e. A lingbi e wara ni tongana matabisi ti Nzapa senge senge na lege ti mabe na Jésus Christ nga na ye so Lo sala, so Lo kui ti zi siokpari ti e, a lu lo na pekoni lo zingo na kuâ na tele, lo hon ndo ti kuâ na so gi na yâ Lo si e lingbi ti wara fini ti lakue lakue na salut.

Mabe na Jésus ayeke pepe gi yekiango tene na ndo ti Lo, mabe na Jésus ayeke ziango bê na Lo, a yeke ziango bê na Jésus ti wara salut, pardon na fini ti lakue lakue. Tongana mo yeke na mabe na Jésus mo yeke mû peko ti Lo. “Lo lï fani oko teti lakue lakue na ndo so ayeke nzoni-kue, na mênë ti angasa na ti amolenge ti bagara pëpe, me na mênë ti Lo mveni, tongaso Lo wara lege ti zi azo teti lakue lakue.”

Jésus Christ mveni atene a sala fadeso angu 2000 awe: “Teti Nzapa andoye sese so tongaso, si Lo mû Molenge ti Lo ngengele oko, si zo kue so amä na bê na Lo akui pëpe, me lo wara fini ti lakue lakue.

Nga, Jésus amû zendo a sara ngu 2000 awe na zo kue so amä na bê na Lo: “Ti tâ tënë ni, mbi tene na ala: Zo so amä tënë ti Mbi, na lo mä na bê na Lo so atokua Mbi, lo yeke na fini ti lakue lakue, na lo yeke tï na yâ ti ngbanga pëpe, me lo hon na yâ ti kuâ awe, lo lï na yâ ti fini.”

Ti tâ tënë ni, mbi tene na ala: zo so amä na bê ayeke na fini ti lakue lakue.”

Nga, Jésus atene na mo laso kamarade ti mbi, ‘mu peko ti mbi’: “Tongana mbeni zo aye ti ga na peko ti mbi, a lingbi lo ke tere ti lo, lo yô croix ti lo, lo mû peko ti mbi.” Jésus ayeke lege ni, tâ tënë na fini, Zo oko alingbi ti ga na Nzapa pëpe gi na lege ti Lo. Mu peko ti Jésus ngbanga ti so gi Lo oko si alingbi ti sö âme ti mo.

....................................................................................................................................

Jésus atene: “Mbi yeke londongo ti awakinda nga na fini, zo so amä na bê na Mbi, fade lo yeke na fini, même tongana lo kui, na zo kue so ayeke na fini na lo mä na bê na Mbi, fade lo kui lâ oko pëpe, mo mä na bê na tënë so?”

....................................................................................................

Kamarade ti mbi, teti so azo kue asara siokpari awe, ala lingbi pëpe ti wara gloire ti Nzapa, ala ga mbirimbiri tongana matabisi na lege ti grâce ti lo na lege ti zingo azo so ayeke na lege ti Christ Jésus; Biani, na lege ti nzoni be ti Nzapa, a sö ala na lege ti mabe; na ye so alondo na ala mveni pëpe, me a yeke matabisi ti Nzapa; pëpe ndali ti akusala so ala sara, si mbeni zo alingbi ti pika kate ti lo pëpe. Tongaso, ala changé bê ti ala, ala kiri, si a lingbi ti zi asiokpari ti ala, tongaso si angoi ti dengo bê alingbi ti ga so alondo na gbele Seigneur.

Biani, futa ti siokpari ayeke kuâ, me matabisi so Nzapa amû na zo senge senge ayeke fini so angba lakue lakue na lege ti gango oko na Jésus Christ, Seigneur ti e. A fa ndoye ti Nzapa na ya ti e na lege so: Nzapa atokua ngengele Molenge ti lo na dunia so titene e wara fini na lege ti lo.

Ndoye ayeke na yâ ti ye so: e ndoye Nzapa pëpe, me lo laa lo ndoye e si lo tokua Molenge ti lo ti ga sandaga ndali ti asiokpari ti e. Me Nzapa afa ndoye ti lo na mbage ti e na lege so na ndembe so e de awasiokpari, Christ akui ndali ti e.

Tongaso, teti fadeso a diko e awe mbirimbiri na lege ti mene ti Lo, fade a yeke soo e na ya ti ngonzo ti Nzapa na lege ti Lo.

Nzapa atâa so Lo yeke azo 3 so ayeke nde, Babâ, Molenge (Jésus Christ), na Yingo Vulu, Lo yeke gi mbeni zo oko, gi Nzapa oko so ayeke azo 3 so ayeke nde (a yeke pëpe anzapa 3 so ayeke nde) Nzapa babâ na Nzapa Yingo Vulu ayeke Nzapa kue, Jésus Christ nga ayeke Nzapa kue atâa so Lo yeke nga zo kue so ayeke tongana e, mbeni zo! Jésus ayeke Nzapa nga zo na oko ngoi ni! Jésus ayeke sauveur ti dunia so. Kamarade ti mbi, mbeni iri nde na gbe ti yayu so a mu na popo ti azo so a lingbi e wara salut na lege ni pepe, gi iri ti Jésus Christ.

Jésus akui ndali ti mo ti pardone asiokpari ti mo, lo hon na yâ ti pasi nga na pasi mingi tongaso si na lege ti kuâ ti lo mo lingbi ti wara pardon nga ti wara garantie ti fini ti lakue lakue atâa so mo lingbi ti kui, mbeni lango ti londongo ti awakinda ayeke duti dä na mbeni sese so a kiri a leke ni nga na ayayu so a kiri a leke ni ayeke duti dä.

Mbi hunda na ala ti mä na bê na Jésus Christ tongana Seigneur ti ala nga na Sauveur ti ala. Pardon, mä na bê na nzoni tënë ni kozoni si ngoi ni ahon. Zia bê ti mo (zia siokpari na mo kiri na mbage ti Nzapa) na mo zia bê ti mo kue na Jésus Christ laso. Zia mo manda ye mingi na ndo ti Nzapa nga mo diko ye mingi na ndo ti lo ndali ti so lo yeke bi bê ti lo na mo (“Mo bi agingo bê ti mo kue na ndo ti lo, ngbanga ti so lo yeke bi bê ti mo na mo.”). Mo mû peko ti Jésus ti londo laso, mo ku pëpe! Kekereke ayeke dä pëpe! E hunda na mo ti hunda ambeni tënë...