Ti kreeste notisye woo xon kep sin, khëne net ferxtan wëre oone tas eyerst tas propleem fon te welt ferxteen. Tuu siist mayn froynt, meyer als mënxe sinte.

Ti kreeste notisye woo xon kep sin, khëne net ferxtan wëre oone tas eyerst tas propleem fon te welt ferxteen. Tuu siist mayn froynt, meyer als mënxe sinte.

Al hon kesint un hon Kot sayn hërlichkheet ferloer, in woerheet, es kept khee kerechte man uf te ëyert woo imer tas kuutes macht un woo nii sint macht.

Unser sint is etwas woo uns fon Kot ap lënkt, ti sint is en gif un tuu un ich, mayn froynt, hon keeche Kot kesint un hon ti eewich xtroof in te hëlle fertiint un mise fon Kot kextrooft kewe fer unser sinte, wën Kot uns net fertsayt.

Wën mer nët fon unser sinte un fon te hëlle keen khëne, khëne mer nët tas eewiche leepe mit Kot hon. Ti seel woo sint macht, sol xtërpe. Es kept 2 ëntxluse fer ti mënxheet. Ëtliche tuun in te hëlle keen, fer ti eewich xtroof un anere wëre eewich leepe in een nay himel un een nay ëyert kriin.

Ti woerheet is uns ketsaycht kep wayl foer tausente yoere, hot Kot, woo te kriatoor fom kanse universum is, mit te mënxe kexproch iwer "te rëter" woo uf te Eyert uf te welt khome tuut un en kerechtich leewe leewe tuut oone was fer sint.

Es waar foer tausente yoere profetseyert kep tas tee man fon sayn aychne folek un autoriteete um keprung wërt, noo te kristlich xrift un klaawe waar es xon hunerte yoere foer heyer profetseyert kep tas Ëyer um keprung wërt un uf en krayts kexmis wërt un sayn leewe als fertsayung aan piite teet, als opfer fer unser sinte.

Yaa, mayn froynt, tas is woer.Tee man woo xon 2000 yoer tsurik kextorep is, is kextorep als fertsayung fer ti sinte fon te kans welt. Tee is fer al kextorep in te ferkangne ​​tsayte, hayt tsu taach un in te tsukhunft. Was petayt tas Ëyer fer aych kextorep is, Ëyer hot ayre sinte fertsayt tas tëyer keret këpt. Tee hot ti mënxheet soo liipe tas Ëyer fer tii al uf een hols khare kextorep is.

Tiise rëter is te man Yeesus Kristus, woo raus suucht tas sayn ërpxaft kotlich waar, tee man Yeesus Kristus hot kesaat tas er Kot selepst waar! tas is woer. Kot selepst, te Kriatoer fom Uniwërsum, is uf ti Eyert khom wii een echte mënx, fol mënx un fol Kot: Yeesus Kristus. Tee woo aach Kot sayn Soon kenënt këp is.

Tas waar aach fon te aue plike woo em foer 2000 yoer kesiin hon, es kept in te kexicht kexrip tas Yeesus Kristus kextorep is mit umkefeyer 33 yoer un is in en kraap kexmis kep woo fon en krup fon soltaate kewaart kep waar fer phaar taache tas nimant Yeesus sayn toote khërwer xteele teet.

Tan, am 3o taach, waar es ketsaycht kep tas Yeesus Kristus tsurik ins leewe khom is (is fom toot uf kextii, hot te toot kewun.) unkefeyer 500 layt hon Yeesus Kristus fom toot uf kextii kesiin noo tëm Ëyer fer ti welt kextorep is un kextorep is.

Tan, torich ti kanse 40 taache, hon phaar layt Yeesus in te himel kesiin, wii es ferxproch kep waar tas Yeesus Kristus noch mool tsurik khome teet fer en ferënert welt uf nëme, woo al ti klaawe an Yeesus, tii woo klaawe an Yeesus hate wii sayn Hër un Retner, toot ore leewent, kriin en ferhërlicht khërper wën Ëyer tsurik khomt, ti toote klaawe uf keruuft fon te tsayt sin aach sin, Sayn khom wërt transformeyert un kriit ferhërlich khërper un tuut tas eewiche leewe fer imer xpiire wii te toot un ti sint un tas xlëchte am ën kewun wëre.

Naya, mayn froynt Yeesus is noch net khom, awer Ëyer wërt, un Yeesus khomt klaych tsurik. Soo, pist tuu fërtich fer sayn khom? orer wërst tuu in te hëlle kextrooft wayl tuu net ti fertsayung aan kenom host torich was Yeesus fer tich kemacht hot?

Tuu siist mayn froynt, ich un tuu als sinter khëne net unser rëtung fertiint. Meyer mise es als fray kexënk fon Kot kriin torich te klaawe an Yeesus Kristus un was Ëyer kemach hot, tas Ëyer kextorep is fer unser sinte se fertsaye, is kextorep un tan is Ëyer fon te toote uf kextii, te toot kewun un tas ploos in tëm khëne mer tas eewiche leewe un ti rëtung kriin.

Te klaawe an Yeesus is net ploos ti erkhënung fon te fakte iwer iim, te klaawe an Yeesus is ti klaawe an iim, es is fon Yeesus ap kexpant kep fer ti rëtung, fertsayung un eewiche leewe. Wëns tuu klaawe an Yeesus host tuust tuu tëm noo keen. “Eyer is een mool fer imer in ti hayliche plëtse rin kang, nët mit tëm pluut fon kaprite un fon xtiire, awer mit sayn aychne pluut, un soo, hot ëyer een eewich frayheet keholef.”

Yeesus Kristus selepst hot kesaat foer 2000 yoere: “Wayl Kot ti wëlt soo keliipt hot, tas Ëyer sayn eensiche Soon kep hot, tas yeete eene woo aan tëm klaapt, nët fernicht wërt, awer een eewich leepe kriit, un weer aan tëm klaapt, wërt nët kericht këp, wayl tee nët klaapt, is xon kericht këp, wayl ëyer hot nët aan tëm sayn Soon, woo Kot sayn eensiche Soon is, klaape.

Aach, hot Yeesus foer 2000 yoere ferxproch fer weem aan tëm klaapt: “In woerheet, in woerheet, ich saan aych: weer mayn wort heert un klaapt an tëm woo mich kexikt hot, hot eewich leepe, un tuut net tsum kericht khome, awer is fom toot raus kang un is tsum leepe kang.”

In woerheet, in woerheet, ich saan aych: weer klaapt, hot eewiches leepe.”

Aach, Yeesus saat fer tich hayt mayn froynt, 'fol mich noo': "Wën yemant mich noo keen wil, mus tee sich selepst ap lënke, sayn krays uf nëme un mich noo keen." Yeesus is te weech, ti woerheet un tas leewe, Nimant khomt tsu Kot wën net torich iim. Fol mit Yeesus wayl Ëyer aleen khan tayn seel rëte.

Yeesus hot kesaat: “Ich sin tas ufxtaye fom toot un tas leepe: weer aan mich klaapt, tuut leepe soo kaar wën eyer xtërept, un yeete eene woo leept un klaapt aan mich, tuut nii xtërpe, klaapst tuu tas?”

....................................................................................................

Mayn froynt, wayl al hon kesint un hon Kot sayn hërlichkheet ferloer, un sin kerecht kenënt kep wii een kexënk torich sayn unfertiint kuutheet torich ti frayheet woo in Kristus Yeesus is; Wayl torich ti unfertiint kuutheet sin tëyer keret këp, torich te klaape; un tas is nët fon aych sëlepst, awer een kexënk fon Kot; nët weeche ayre aarwayte, tas nimant sich hoochmuutich mache khan. Tës weeche, tuut aych ënere un keet tsurik, tas ayre sinte wëch ketuun wëre, tas ti tsayte fon friit fon te Hërkot khome khëne.

Wayl te loon woo ti sint petsaalt, is te toot, awer tas kexënk, woo Kot këpt, is eewiches leepe torich Yeesus Kristus, unser Hër. Kot sayn liip hot sich in uns ketsaycht: Kot sayn eensiche Soon uf ti wëlt kexikt hot, tas mëyer torich tëm leepe khënte.

Tas is ti liip: nët tas mëyer Kot keliipt hon, awer tas Ëyer uns keliipt hot un sayn Soon kexikt hot fer unser sinte fertsaye. Awer Kot hot sayn aychne liip tsu uns ketsaycht, wayl Kristus is fer uns kextorep wii mëyer noch sinter waare.

Tan, wayl mëyer yets kerëcht këp sin torich tëm sayn pluut, wëre mëyer torich tëm fon Kot sayn wuut keret këp.

Kot opwool Ëyer 3 unerxiitliche persoone is, Fater, Soon (Yeesus Kristus), un Hayliche Keest, is Ëyer ploos een persoon, ploos een Kot woo 3 unerxiitliche persoone is (net 3 unerxiitliche kote) Kot te Fater un Kot te Hayliche Keest sin fol Kot, Yeesus Kristus is aach fol Kot soo kaar wën Ëyer aach fol mënx is wii mëyer, een! Yeesus is Kot un mënx in te selwich tsayt! Yeesus is te rëter fon te wëlt. Mayn froynt, es kept khee anere naame uner em himel woo unich te mënxe keprung kep is, woo mer rëte mise, ploos te naame fon Yeesus Kristus.

Yeesus is fer aych kextorep fer aych fon ayre sinte fertsaye, Ëyer is torich soo fiil phayn un layte kang tas tuu torich sayn toot fertsayt kriist un tas eewiche leewe kegaranteyert host soo kaar wëns tuu xtërepst, es kept en ufxtaye fom toot un es kept en restauratsioon fon te ëyert un restauratsioon fon te himele.

Ich ferlange tas tëyer aan Yeesus Kristus klaawe tuut wii ayre Hër un Retner. Tuu ti kuute notisye klaape eep es tsu xpeet is. Tuu tich ënere (ti sint ap lënke un tich tsu Kot hale) un tuu hayt kans uf Yeesus Kristus traue. Tuu khanst mee iwer Kot lërne un mee iwer tëm leese wayl Ëyer sich mit tich khimere tuut (“Tuu al tayn ëngstlichkheete uf tëm xmayse, wayl Ëyer sich mit tich khimere tuut.”). Fol Yeesus fon hayt aan foran, waart net! Morgen is net garantiert! Tuu tich fraye fer yeete frooch se mache...