Say sankaabigan ya balita et ag natalosan no ag natalosan nin unona so problema na mundo. Nanengneng mo kaaro, sikatayo ran totoo et mankakasalanan

Say sankaabigan ya balita et ag natalosan no ag natalosan nin unona so problema na mundo. Nanengneng mo kaaro, sikatayo ran totoo et mankakasalanan.

Amin et nankasalanan tan ag makasabi ed gloria na Dios, diad tua, anggapoy matunong a too ed dalin a naynay a manggagawa na maong tan agbalot mankasalanan.

Say kasalanan tayo et sakey a bengatla ya mangibibiig ed sikatayo ed Dios, say kasalanan et samal tan sika tan siak, kaarok, so nankasalanan ed Dios tan makanepegan itayo na andi-anggaan a dusa ed impierno tan kaukolan itayon ukomen na Dios lapud saray kasalanan tayo likud no perdonaen itayo na Dios.

No agtayo nilaban ed saray kasalanan tayo tan manlapud iyakar tayod impierno, agtayo nawalaan na bilay ya andi-anggaan a kaiba so Dios. Say kamarerwan mankasalanan et ompatey. Walay 2 unor a destinasyon na katooan. Arum so onla ed impierno, diad andi-anggaan a dusa tan arum so nawalaan na andi-anggaan a bilay ed balon tawen tan balon dalin.

Sayan katuaan et niparungtal ed sikatayo lapud nilibon taon lay apalabas, say Dios ya nanggawa ed amin ya uniberso et nansalita ed totoo nipaakar ed "say manangilaban" ya nianak ed dalin tan manbilay na matunong ya anggapoy antokaman a kasalanan.

Nipropesiya la nilibon taon lay apalabas ya sayan too et pateyen na saray totoo tan autoridad To, unong ed Kasulatan tan pananisia na saray Kristiano et nipropesiya la nilasus taon antis ya inyanak ya sikatoy pateyen tan ipasak ed krus tan iyapay toy bilay To bilang pananakbong, bilang bagat parad saray kasalanan tayo.

On, kaaro, tua iya. Sayan too ya inatey manga 2000 taon lay apalabas et inatey bilang pananakbong ed saray kasalanan na interon mundo. Inatey parad amin a too nensaman, natan, tan diad arapen. Kabaliksan to ya inatey parad sika, insakbong to ray kasalanan mo pian nilaban ka. Inararo toy katooan anggad punton sikatoy inatey parad sikara ya amin diad sakey a krus a gawad kiew.

Sayan manangilaban et say toon Jesu-Kristo, ya ompatnag a say nanlapuan To et madibinon, sayan too ya inkuan nen Jesu-Kristo a sikato so Dios a mismo! tua itan. Say Dios a mismo, say nanggawa ed uniberso et linmeksab ed dalin bilang peteg a too, sigpot a too tan sigpot a Dios: si Jesu-Kristo. Sikato met so tinawag ya anak na Dios.

Saya so pinaneknekan met na saray akanengneng ed Sikato nen 2000 taon lay apalabas, nisulat ed awaran ya inatey si Jesu-Kristo nen manga 33 años to tan sikatoy imponpon ed sakey a lubok ya binantayan na sakey a grupo na sundalo ed loob na pigaran agew pian anggapoy makatakew ed bangkay nen Jesus.

Insan diad koma-3 ya agew et anengneng ya pinmawil ed bilay si Jesu-Kristo (inmoli ed bilay, ya analo ed patey.) manga 500 a totoo so akanengneng ed si Jesu-Kristo ya inmoli manlapud inaatey kayari na impatey to parad mundo tan imponpon.

Insan diad loob na 40 agew et pigaran totoo so akanengneng ed si Jesus ya inmatagey ed tawen nen insipan ya ompawil lamet si Jesu-Kristo pian mangiter na balon mundo ya ditan et amin a mananisia ed si Jesus, saramay walaan na pananisia ed Sikato bilang Katawan tan Manangilaban da, inatey man odino mabilay et makaawat na nigloria a laman sano sikatoy ompawil, saray inaatey a mananisia so napaoli met manlapud inaatey, tan saray mabilay ed panaon na ipawil To nauman tan makaawat na niglorian laman tan manggayaga na bilay ya andi-anggaan legan ya natalo la so patey tan kasalanan tan kaugsan.

Bueno, say kaaro kon si Jesus et agni sinmabi, balet onsabi, tan magano lan ompawil si Jesus. Kanian, akaparaan ka la ed isabi To? odino naukom ka ed impierno lapud agmo inawat so panamerdona diad panamegley na ginawa nen Jesus parad sika?

Nanengneng mo kaarok, siak tan sika bilang makasalanan et agtayo makagamor na kilalaban tayo. Nepeg tayon awaten iya bilang libren regalo na Dios diad panamegley na pananisia ed si Jesu-Kristo tan say ginawa To, ya sikatoy inatey pian nasakbongan iray kasalanan tayo, imponpon insan inmoli manlapud inaatey a laman, ya analo ed patey tan diad Sikato labat tayo makaawat na andi-anggaan a bilay tan kilalaban.

Say pananisia ed si Jesus et aliwan basta pamidbir ed saray katuaan nipaakar ed Sikato, say pananisia ed si Jesus et panagmatalek ed Sikato, noagta pandepende ed si Jesus parad kilalaban, panamerdona tan bilay ya andi-anggaan. No walay pananisia yo ed si Jesus, sikatoy tumboken yo. "Sikatoy linmoob ed saray masanton pasen, aliwan diad panamegley na dala na kanding tan kilaw a baka, no ag ingen diad panamegley na dilin dala to, diad ontan et naseguro toy andi-anggaan a pananundon."

Inkuan nen Jesu-Kristo a mismo 2000 taon lay apalabas: “Ta ontan lay panangaro na Dios ed mundo ya inter to so bogbogtong ya Anak to, pian siopaman a manisia ed Sikato et ag naandi, no ag ingen nawalaan na bilay ya andi-anggaan. Say manisia ed Sikato et ag naukom: say ag manisia et naukom la, lapud ag anisia ed ngaran na bogbogtong ya Anak na Dios.

Ontan met, insipan nen Jesus 2000 taon lay apalabas ed siopaman a manisia ed Sikato: “Tua, tua, kuan ko ed sikayo, siopaman ya ondengel ed salitak tan manisia ed samay angibaki ed siak, et walaan na bilay ya andi-anggaan, tan ag-onsabi ed panangukom, no ag ingen linmabas lad patey ya amaarap ed bilay.”

Tua, tua, kuan ko ed sikayo, say manisia et walaan na bilay ya andi-anggaan.”

Ontan met, ibabaga nen Jesus ed sika natan, kaaro, 'tumbok mo ak': "No siopaman a too et labay toy ontumbok ed siak, nepeg ton iburi so inkasikato, sakbaten toy krus to, tan tumboken to ak." Si Jesus so dalan, say katuaan tan say bilay, Anggapoy makaasingger ed Dios no ag diad panamegley To. Tumboken moy Jesus ta Sikato labat so makapangisalba ed kamarerwam.

.........................................................................................................................................................

Inkuan nen Jesus: “Siak so kioli tan say bilay: siopaman a manisia ed Siak et manbilay anggano ompatey.

...............................................................................................................

Kaaro ko ta amin et nankasalanan tan ag makasabi ed gloria na Dios, ya inkatunong ira bilang regalo lapud grasya To diad panamegley na panangilaban ed si Kristo Jesus; Ta diad panamegley na grasya et nilaban kayo lapud pananisia yo; tan satan ya aliwan nanlapud inkasikayo, saya so langkap na Dios; aliwan lapud saray gawa, pian anggapoy makapanpasirayew. Kanyan magbabawi kayo tan ompawil kayo, pian napunas iray kasalanan yo, pian onsabi so panaon na pakarepreskoan manlapud arap na Katawan.

Ta say bayar na kasalanan et patey, balet say libren regalo na Dios et say bilay ya andi-anggaan diad pikakasakey ed Cristo Jesus a Katawan tayo. Diad saya et nipatnag so panangaro na Dios ed sikatayo, ta imbaki na Dios so bogbogtong ya Anak to diad mundo pian manbilay itayo diad panamegley to.

Saya so kabaliksan na aro, aliwan lapud inaro tayo so Dios, no ag ingen lapud inaro to itayo tan imbaki toy Anak to pian magmaliw a bagat parad saray kasalanan tayo. Balet ipapanengneng na Dios so dilin panangaro to ed sikatayo, ta nen makasalanan itayo ni, inatey si Kristo para sikatayo.

Lalo la sirin, lapud nilaban itayo la natan ed panamegley na dala To, nilaban itayo ed sanok na Dios diad panamegley To.

Say Dios anggano sikatoy 3 nanduruman persona, Ama, Anak (si Jesu-Kristo), tan Ispiritu Santo, Sikatoy saksakey a pinalsa, sakey labat a Dios ya 3 nanduruman persona (aliwan 3 nanduruman dirios) say Dios ya ama tan say Dios ya Ispiritu Santo et sigpot a Dios, si Jesu-Kristo met so sigpot a Dios anggano Sikato met so sigpot a too a singa sikatayo, sakey a too! Si Jesus et Dios tan too ed parehon panaon! Si Jesus so manangilaban na mundo. Kaaro ko angapo so arum a ngaran ed silong na tawen a niiter ed limog na totoo a dia ed panamegley to et nepeg itayon nilaban likud ed ngaran nen Jesu-Cristo.

Inatey si Jesus parad sika pian naperdona to ray kasalanan mo, dakel so dinalan ton ot-ot tan irap pian diad impatey To et naperdona ka tan naseguro so bilay ya andi-anggaan anggano ompatey ka, walay agew na kioli tan walay nipawil a dalin tan nipawil a katawenan.

Kekerewen ta kayon manisia kayod Jesu-Cristo bilang Katawan tan Manangilaban yo. Ipangasin manisia kayo ed maong a balita antis ya atrasado. Magbabawi (mangipawil ed kasalanan tan onarap ed Dios) tan manmatalek a sigpot ed si Jesu-Kristo natan. Komon ta mas dakel so naaralan mo nipaakar ed Dios tan mas dakel so nabasa mo nipaakar ed Sikato lapud iyaansakit to ka ("Iyan mo ed sikato so amin a kapagaan mo, lapud iyaansakit to ka."). Tumboken moy Jesus manlapud natan, ag ka la manalagar! Aliwan segurado so kabuasan! Agkayo mapaga ya mantepet na antokaman...