Ruac in di̱tni̱jɛn /ca jɛ dee luäŋ kɛ ŋäc mi /ka̱n riɛk wecmuɔ̱ɔ̱n ŋa̱c kɛ nhiam. ji̱n guici määthdä, kɔn naath la dueernɛ.

Ruac in di̱tni̱jɛn /ca jɛ dee luäŋ kɛ ŋäc mi /ka̱n riɛk wecmuɔ̱ɔ̱n ŋa̱c kɛ nhiam. ji̱n guici määthdä, kɔn naath la dueernɛ.

Kä kɛn diaal cikɛ duer kä cikɛ dak kɛ gɔɔy Kuɔth, kɛ thuɔ̱k, thilɛ ram mi cuŋ wi̱i̱ muɔ̱ɔ̱n mi lät ni mi gɔaa ni ciaŋ kä /ci duer met la̱t.

Duerdan ɛ duɔ̱ɔ̱r mi dääk kɔn kɛ Kuoth, duer ɛ juey mi jiääk kä ji̱n kɛnɛ ɣän, määthdä, canɛ Kuoth duer kä cakɔ duer mi do̱raar rɛy maac mi thil pek kä banɛ dhil luk ɛ Kuoth kɛ kui̱ dueerikɔn ɛ ni mi ci Kuoth kɔn pälikä.

Ɛ ni mi ca kɔn kän kä dueerkɔn kɛnɛ wä maac mi thil pek, /canɛ tëk mi do̱raar bi jek kɛɛl kɛ Kuoth. Kä bi yiëë in ci duer li̱w. Tëëkɛ gua̱th da̱ŋ rɛw ti̱ jɔak ti̱ bi̱ naath wä thi̱n. Tha̱a̱ŋkiɛn bikɛ wä rɛy maac mi thil pek, bikɛ wä duäc mi do̱raar kä bi tha̱a̱ŋkiɛn tekɛ tëk mi do̱raar rɛy nhial mi pay cak kɛnɛ piny mi pay cak.

Ɛn thuɔ̱k ɛmɛ ca jɛ nyuɔ̱th kɔn kɛ ɣöö kɛ run ti bathdɔɔri ti ci wä, ci Kuoth in la cak ɣɔaa kɛɛliw ruac kɛ naath kɛ kui̱ "käänä" min ba dap wi̱i̱ muɔ̱ɔ̱n kä bɛ cieŋ kɛ tëk mi cuŋ mi thil duer mi dɔ̱ŋ.

Ca jɛ lat kɛ run ti bathdɔɔri ti ci wä ɛn ɣöö ba wut ɛmɛ näk ɛ nɛɛkɛ kɛnɛ kua̱rkɛ, kɛ ruac ëë ca lat rɛy buɔk ji̱ Kritho kɛnɛ ŋa̱thdɛ ca jɛ lat kɛ run ti kur ɛ ŋot /kenɛ ni dap ɛn ɣöö ba jɛ näk kä ba jɛ pua̱t jiaath in gɛɛr kä bɛ tëkdɛ thöp ala muc kɛ kui̱ dueerikɔn, ala muc kɛ kui̱ dueerikɔn.

Ɣɔ̱ɔ̱n, määthdä, nɛmɛ ɛ thuɔ̱k.Wut ɛmɛ mëë ci li̱w kɛ run ti 2000 tëë ci wä li̱w ɛ la muɔ̱c dueeri wecmuɔ̱ɔ̱n diaal. Cuɛ li̱w kɛ kui̱ nɛɛni diaal tëë ci wä, kɛ gua̱a̱th in te thi̱n ɛn täämɛ, amäni gua̱a̱th in bi ben bä. Min lot ni ɣöö cɛ li̱w kɛ kui̱dun, cɛ dueerkun luɛl kɛ ɣöö bia kään. Cuɛ naath nhɔk ɛlɔ̱ŋ a cuɛ li̱w kɛ kui̱diɛn diaal wi̱i̱ jiaath mi ca la̱t kɛ jiaath.

Kän raan ɛmɛ ɛ jɛn wut ni Yecu Kritho, min ci rɔ ri̱t ɛn ɣöö tukdɛ ɛ Kuoth, ɛn wut ɛmɛ Yecu Kritho cuɛ wee i̱ ɛ Kuoth puɔ̱nydɛ! ɛ thuɔ̱k. Kuoth puɔ̱nydɛ, min cak ɣɔw kɛɛliw cuɛ ben piny wi̱i̱ muɔ̱ɔ̱n ɛ la raan mi thuɔ̱k, ɛ raan mi thuɔ̱k kä ɛ Kuoth mi thuɔ̱k: Yecu Kritho. Kä cua jɛ cɔl bä i̱ Gat Kuɔth.

Nɛmɛ bä cua lat ɛ nɛy tëë ci jɛ nɛn kɛ wäŋkiɛn kɛ run ti 2000 tëë ci̱ wä, ca jɛ gɔ̱r rɛy lɛ̈ɛ̈ŋni ɛn ɣöö Yecu Kritho cɛ li̱w kɛ run ti 33 kä cua jɛ tɔ̱w rɛy kɔ̱kä mi ca yiɛn ɛ buɔ̱n lathkëëri kɛ ni̱n ti tɔt kɛ ɣöö /ci raan puɔ̱ny Yecu in ci li̱w kual.

Kä kɛ cäŋ in diɔ̱ɔ̱kdiɛn cua jɛ nɛn ɛn ɣöö ci Yecu Kritho rɔ jiɛc li̱th (cuɛ jiɛc li̱th, cuɛ lia̱a̱ joc.) cu nɛy ti cuɔpkɛ 500 Yecu Kritho nɛn cɛ rɔ jiɛc li̱th kɛ kɔr kä mëë cɛ li̱w kɛ kui̱ wecmuɔ̱ɔ̱n kä cua jɛ kony.

Kä kɛ kɔr ni̱ni ti 40 diaal cu nɛy ti ŋuan Yecu nɛn wëë nhial mëë ca jɛ lar ɛn ɣöö bi Yecu Kritho luny jɔk kɛ ɣöö bɛ ɣɔw mi pay tuɔɔk nööŋ, gua̱a̱th in bi nɛy diaal tin ŋa̱thkɛ Yecu, nɛy tin tekɛ ŋa̱th kɛ jɛ ɛ la Kuäärdiɛn kɛnɛ Käändiɛn, tin ci li̱w kiɛ tin tëk bikɛ puɔ̱ny mi ca puɔny jek mi cɛ luny jɔk, kä bi nɛy tin ci li̱w jiɛc li̱th kɛ gua̱a̱th in ci li̱w bä. Bädɛ bɛ rɔ gɛr kä bɛ pua̱ny ti ca liak jek kä bɛ tëk mi do̱raar jek amäni cäŋ kɛl ce̱tkɛ min ca lia̱a̱ kɛnɛ duer kɛnɛ jiäk joc kɛ jɔakdɛ.

Ɣɔ̱ɔ̱n, määthdä ni Yecu /kenɛ ni ben, duŋdɛ ɣöö bɛ ben, kä Yecu bɛ luny jɔk kɛ pɛ̈th. Kä ɛnɔ, ji̱n ci rɔ rialikä kɛ kui̱ benädɛ? kiɛ ba ji̱ luk rɛy maac mi thil pek kɛ ɣöö /keni pälikä nhɔk kɛ min ci Yecu ɛ la̱t kɛ kui̱du?

Ji̱n guici määthdä, ɣän kɛnɛ ji̱n lapnɛ ji̱ dueeri /ci kɔn ka̱ndan dee jek. Kɔn banɛ jɛ dhil jek ɛ la muc mi thil yio̱w kä Kuoth kɛ ŋa̱th kä Yecu Kritho kɛnɛ min cɛ la̱t, ɛn ɣöö cɛ li̱w kɛ ɣöö bɛ dueer kɔn luɛl, ca kony kä cuɛ rɔ jiɛc li̱th kɛ puɔ̱nydɛ, cuɛ lia̱a̱ joc kä ɛn ɣöö ɛ jɛn kärɔa banɛ tëk mi do̱raar kɛnɛ kän jek thi̱n.

Ŋäth kɛ Yecu /ciɛ ɣöö bi raan ŋa̱c ni thuɔ̱k kɛ kui̱dɛ kärɔa, ŋa̱th kɛ Yecu ɛ ɣöö bi raan rɔ ŋäth kɛ jɛ, ɛ ɣöö bi raan te kä Yecu kɛ kui̱ känä, kɛ pälikä kɛnɛ tëk mi do̱raar. Mi ti̱i̱ kɛ ŋa̱th kɛ Yecu biɛ guɔ̱ɔ̱r. "Cɛ wä guäth mi rɛl gɔɔydɛ rɔ kä kɛɛl kärɔa, kä /cɛ wä kɛ riɛm deet kɛnɛ thääk, kä cuɛ wä kɛ riɛmdɛ pa̱ny, kä cuɛ luäk mi do̱raar jek."

Kä cu Yecu Kritho puɔ̱nydɛ jɛ lar kɛ run ti 2000 tëë ci wä i̱: “Kɛ ɣöö nhɔk Kuoth ɣɔw ɛlɔ̱ŋ, cuɛ Gatdɛ min kɛl kärɔa muɔc, kɛ ɣöö ram mi wä jɛ ŋäth /cɛ bi li̱w, bɛ tekɛ tëk mi do̱raar.

Kä bä, ci Yecu ɛ lar kɛ run ti 2000 tëë ci wä kä ram mi ŋäth jɛ i̱: “Ɛpuc, ɛpuc ɣän la̱rä jɛ ji̱, ram mi liŋ ruacdä, kä ŋääthɛ ram ëë jäk ɣä, tëëkɛ tëk mi do̱raar, kä /cɛ bi ben rɛy luɔ̱k, kä cɛ jiɛɛn li̱th kä cɛ ben rɛy teekä.”

Ɛpuc, ɛpuc, ɣän la̱rä jɛ ji̱, ram mi ŋa̱th tëëkɛ tëk mi do̱raar.”

Kä bä, Yecu laarɛ jɛ ji̱ ɛn walɛ määthdä, 'guuri ɣä': "Mi go̱o̱r raan ɣöö bɛ ɣä guɔ̱ɔ̱r, bɛ rɔ dhil gak, kä bɛ jiathdɛ kap, kä bɛ ɣä guɔ̱ɔ̱r." Yecu ɛ jɛn duɔ̱ɔ̱p, ɛ thuɔ̱k kä ɛ tëk, Thilɛ ram mi dee kä Kuoth ɛ ni̱ kɛ jɛ. Guur ni Yecu kɛ ɣöö ɛ jɛn kärɔa bi yiëëdu kän ɔ.

Cu Yecu wee: “Ɛ ɣän jieec nath li̱th, kä ɛ ɣän tëk, ram mi ŋääth ɣä bɛ tëk a cäŋ cɛ li̱w, kä nɛy diaal tin tëk kä ŋääth ɣä /cikɛ bi met li̱w.Ŋääthi nɛmɛ?”

…………………………………………………………………………

määthdä kɛ ɣöö ci nɛy diaal duer kä /cikɛ cop kä gɔɔy puɔnyä Kuɔth, kä ca kɛ moc cuɔ̱ɔ̱ŋ ala muc kɛ puɔ̱thdɛ kɛ luɛl in te rɛy Kritho Yecu. Kɛ ɣöö kɛ puɔ̱th baaŋ Kuɔth ca yɛ kän kɛ ŋa̱th. Kä ɛn nɔmɔ /ciɛ mucdun, ɛ muc Kuɔth. /Ciɛ kui̱ lätnikun, kɛ ɣöö thilɛ ram mi bi rɔ liak. Kɛ kui̱ ɛmɔ, rietdɛ rɔ̱ kä dueerkun, kä luacɛ jɔk, kɛ ɣöö ba dueerkun woc, kɛ ɣöö dee gua̱a̱th gɔɔyä ben nhiam Kua̱r ni Kuoth.

Kɛ ɣöö pek la̱t dui̱rä ɛ lia̱a̱, kä muc Kuɔth baaŋ ɛ tëk mi do̱raar rɛy Kritho Yecu Kuääran. Kä kɛ nɛmɛ ca nhök Kuɔth nyoth rɛydan, kɛ ɣöö ci Kuoth Gatdɛ min kɛl kärɔa jäkä wi̱i̱ muɔ̱ɔ̱n, kɛ ɣöö dënɛ tëk kɛ jɛ.

Te nhök rɛy kä mɛmɛ, /ciɛ ɣöö nhɔaknɛ Kuoth, kä duundɛ ɣöö nhɔk Kuoth kɔn, kä cɛ Gatdɛ ja̱k ala muc mi luɛl ni dueerkɔn. Kä duundɛ ɣöö ci Kuoth nhökdɛ nyuɔ̱th kɔn kɛ ɣöö mëë ŋot kɔn ala ji̱ dueeri cu Kritho li̱w kɛ kui̱dan.

Kä täämɛ min ca kɔn moc cuɔ̱ɔ̱ŋ kɛ riɛmdɛ, ba kɔn kän kä waŋ lɔaac Kuɔth kɛ jɛ.

Kuoth cäŋ ni min ɛ nɛy da̱ŋ diɔ̱k ti gööl, Gua̱n, Gat (Je-thu Kritho), kɛnɛ Yiëë in Gɔaa in Rɛl Rɔ, jɛn ɛ ram kɛl kärɔa, ɛ Kuoth kɛl kärɔa min la nɛy da̱ŋ diɔ̱k ti gööl (/ciɛ kuth da̱ŋ diɔ̱k ti gööl) Kuoth in la gua̱n kɛnɛ Kuoth Yiëë in Gɔaa in Rɛl Rɔ kɛ Kuoth mi thuɔ̱k, Yecu Kritho bä ɛ Kuoth mi thuɔ̱k cäŋ ni min ɛ raan mi thuɔ̱k ce̱tkɛ kɔn, a! Yecu ɛ Kuoth kä ɛ raan kɛ gua̱a̱th kɛl! Yecu ɛ kään ɣɔaa. määthdä thilɛ ciöt mi dɔ̱diɛn piny nhial mi ca ka̱m naath mi banɛ kän kɛ jɛ ɛ ni ciöt Yecu Kritho.

Yecu cɛ li̱w kɛ kui̱du kɛ ɣöö bɛ dueerku pälikä, jɛn cɛ wä rɛy rikni ti ŋuan kɛnɛ rik ti ŋuan kɛ ɣöö kɛ lia̱a̱dɛ bi ji̱ pälikä kä bi tëk mi do̱raar jek cäŋ ni min bi li̱w, bɛ tekɛ cäŋ jiecä li̱th kä bɛ tekɛ wi̱c muɔ̱ɔ̱n mi ca nyɔk kɛ loc thi̱n kɛnɛ nhial mi ca nyɔk kɛ loc thi̱n.

Ɣän cuɔmä yɛ, ŋäthɛ Yecu Kritho ala Kuäärun kä Käändun. Ɣän la̱ŋä ji̱ i̱ ŋa̱thɛ ruac in gɔaa a /kenɛ ni cop. Riet rɔ (riet rɔ kä duer kä riet rɔ kä Kuoth) kä ŋäthni Yecu Kritho kɛɛliw ɛn walɛ. A bi Kuoth ŋa̱c agɔaa kä bi kuɛn kɛ kui̱dɛ ɛlɔ̱ŋ kɛ ɣöö diɛɛrɛ kɛ ji̱ ("Kämni diɛɛrkun diaal wi̱i̱dɛ, kɛ ɣöö diɛɛrɛ kɛ kui̱du."). Guurɛ Yecu niɛ walɛ, /cuarɛ li̱ep! Kä cäŋ i̱ ruɔ̱n /cɛ bi tuɔɔk! Ɣän göörä ɣöö bä ji̱ thiec kɛ thiec...