Qué zanda diʼ guiene binni noticia jma naroʼbaʼ pa qué guiene chaahuiʼ xi guendanagana nuu lu guidxilayú riʼ.

Qué zanda diʼ guiene binni noticia jma naroʼbaʼ pa qué guiene chaahuiʼ xi guendanagana nuu lu guidxilayú riʼ. Ruuyaluʼ xhamiguaʼ, laanu casi binni rucheenu.

Guiráʼ binni maʼ bichee ne maʼ qué ganda guihuinni pabiáʼ risaca Dios, dxandíʼ, gastiʼ nin ti hombre runi ni jneza lu Guidxilayú riʼ ni qué rusaana de guni ni jneza ne qué ziuu dxi guchee.

Pecadu stinu nga ti cosa ni rucaa laanu guixélenu de Dios, pecadu ca nga venenu ne lii ne naa, xhamiguaʼ, maʼ bicheʼnu nezalú Dios ne runi merecernu ti castigu ni qué ziuu dxi guiluxe ndaaniʼ infiernu ne napa xidé guni juzgar Dios laanu pur ca pecadu stinu pa qué guni perdonar Dios laanu.

Pa qué ganda guilanu de ca pecadu stinu ne cadi chuʼnu ndaaniʼ infiernu, qué zanda diʼ gápanu guendanabani ni qué zaluxe ra nuu Dios. Alma ni guchee ca zati. Nuu 2 últimu destino para binni guidxilayú. Nuu tu zié infiernu, lu ti castigu ni qué zaluxe ne nuu tu zapa guendanabani ni qué zaluxe ndaaniʼ ti guibáʼ cubi ne ti guidxilayú cubi.

Ni dxandíʼ riʼ maʼ bihuinni ni laanu purtiʼ maʼ raca stale mil iza, Dios ni bizáʼ guiráʼ ni nuu lu universu guníʼnebe binni de «salvador» ni zale lu Guidxilayú riʼ ne zabani ti guendanabani ni jneza sin chuʼ pecadu nin ti ratu.

Maʼ raca stale mil iza guníʼcabe zuuti hombre riʼ laa pur ca binni xquidxi ne ca autoridad stiʼ, casi ná Escritura Cristiana ne fe guníʼcabe gayuaa iza ante galebe zuuticabe laabe ne zucaacabe laabe lu ti yaga ne zudiibe xquendanabánibe casi ti expiación, casi ti sacrificiu pur ca pecadu stinu.

Ya, xhamigua, dxandí ni.Hombre ri ni guti raca bia 2,000 iza guti para guiaxa ca pecadu sti guidubi naca guidxilayú. Guti be pur irá xixé binni ni bibani chiqué, ni nuu yanna ne ni chi gueeda. Ni riníʼ nga gútibe pur laatu, biʼniʼ expiarbe ca pecadu stitu ti ganda guilatu. Nadxiibe binni dede gútibe pur guirácabe lu ti cruz de yaga.

Salvador riʼ nga hombre Jesucristu, ni rusihuinni ca origen stibe gúcacani divinu, hombre riʼ Jesucristu guníʼ laa nga Dios! dxandí ni. Dios peʼ, ni bizáʼ guiráʼ ni nuu, biete lu Guidxilayú casi ti binni ni dxandíʼ, guidubi naca binni ne guidubi naca Dios: Jesucristu. Ne laaca gulee lácabe laa Xiiñiʼ Dios.

Laaca guníʼ ca binni ni biiyaʼ laabe raca chupa mil iza, cá lu historia que guti Jesucristu dxi napa biaʼ treinta y tres iza ne guluucabe laa ndaaniʼ ti baʼ ni rapa ti grupu de soldadu chupa chonna gubidxa ti cadi chuʼ tu quíteʼ xcuerpu Jesús ni maʼ guti.

Despué lu 3 dxi que guca testimonio sti biaje bibani Jesucristu (biásabe de lade gueʼtuʼ, biʼniʼ ganarbe guendaguti.) biaʼ 500 binni biiyaʼ biasa Jesucristu de lade gueʼtuʼ despué de guti pur guidxilayú ne bicaachicabe laa.

Despué lu guidubi cuarenta dxi que biiyaʼ stale binni Jesús zeʼ guibáʼ ora guníʼcabe zabiguetaʼ Jesucristu sti biaje para guzulú ti guidxilayú nacubi ra guiráʼ cani runi cré Jesús, cani gupa fe laabe casi Señor ne Salvador sticaʼ, maʼ gúticaʼ o nabanicaʼ zacaacaʼ ti cuerpu glorificadu ora guibiguétabe, ca xpinni Cristu ni maʼ guti de lade ca binni ni maʼ guti ca laaca zacaacaʼ ni. Ora gueedabe zuchaacabe laabe ne zacaacabe cuerpu ni maʼ bisisaca ne zapacabe guendanabani ni qué zaluxe sin qué chuʼ dxi gáticabe ora maʼ biʼniʼ ganar guendaguti ne pecadu ne cosa malu.

Yanna, xhamiguaʼ Jesús caʼruʼ gueeda, peru zabiguetaʼ, ne Jesús maʼ cadi candaa zabiguetaʼ. Nga runi, ñee nuuluʼ listu para gueedabe la? o zuni juzgarcabe lii ndaaniʼ infiernu purtiʼ maʼ gucuaaluʼ perdón pur ni biʼniʼ Jesús pur lii la?

Ruuyaluʼ xhamiguaʼ, naa ne lii casi binni ruchee qué zanda diʼ guni ganarnu salvación stinu. Naquiiñeʼ guicaanu ni casi ti regalu sin quixe binni ni bidii Dios laanu pur fe ni nápanu Jesucristu ne ni bíʼnibe, gútibe para guiá ca pecadu stinu, bicaachicabe laabe ne despué biasabe de lade gueʼtuʼ casi ti cuerpu, biʼniʼ ganarbe guendaguti ne pur laabe si nga zanda guicaanu guendanabani ni qué zaluxe ne guendanabani ni qué zaluxe.

Fe ni napa binni lu Jesús cadi nga diʼ nga guni reconocer binni xiixa ni dxandíʼ de laabe, fe ni napa binni lu Jesús nga guni cré laabe, sínuque depende de Jesús para guilá, guni perdonar ne guicaa guendanabani ni qué zaluxe. Pa nápaluʼ fe Jesús zanándaluʼ laabe. «Ti biaje si biuu be ndaani yuʼdu roʼ ni jma nandxóʼ, peru cadi né rini sti chiva ne yuze huiiniʼ, sínuque né rini stibe, zaqué bilá be para siempre.»

Jesucristu peʼ guníʼ maʼ raca chupa mil iza: «Purti nadxii Dios binni guidxilayú ngue runi bidii tobi lucha Xiiñiʼ, ti irá tu guni cre Xiiñiʼ, cadi initilú sínuque gapa enda nabani ni qué zaluxe.

Laaca, Jesús bidii stiidxaʼ raca chupa mil iza para tutiica guni cré laabe: «Dxandíʼ, dxandíʼ cayabeʼ laatu, tu gucaadiaga stiidxaʼ ne guni cré ni biseendaʼ naa, zapa enda nabani ni qué zaluxe, ne qué ziuu dxi gaca juzgar, sínuque ma biree de lu guendaguti ne ma nuu lu guendanabani».

Dxandíʼ ni chitidxeʼ laatu riʼ, tutiica guni cré zapa guendanabani ni qué zaluxe».

Laaca, Jesús cayabi lii yannadxí xhamiguaʼ, «dananda naa»: «Pa chuʼ tu gacalaʼdxi chi nanda naa, naquiiñeʼ gusaana de guni ni na, ne guindisaʼ cruz stiʼ ne chinánda naa». Jesús nga neza, ni dxandíʼ ne guendanabani, Guirutiʼ zanda chindá ra nuu Dios pa cadi pur laabe. Binanda Jesús purtiʼ laa si nga zanda gulá alma stiluʼ.

....................................................................................................................................

Jesús guníʼ: «Naa nga rusibane gueʼtuʼ ne rudiee enda nabani, ne tu guni cre naa, zabani neca gati, ne irá tu guni cre naa, qué ziuu dxi gati, ñee runi cre lu ni la?».

....................................................................................................

Xhamiguaʼ, purtiʼ guiráʼ binni bichee ne qué ganda guidxela gloria stiʼ Dios, maʼ guca justificar casi ti regalu pur gracia stibe purtiʼ bilá Cristu Jesús laa; Purti pur enda nacha'hui sti Dios bilá tu ra bini cre tu. ne cadi de laatu nga bidii tu ni, sínuque de Dios ni. cadi pur ni bíʼnitu, ti cadi chuʼ tu gudxiibaʼ laca laa. Nga runi, laguni arrepentir ne laguibiguetaʼ, ti guiá ca pecadu stitu, ti gueeda tiempu para guiziidiʼ Señor stitu.

Purti ni riaxa pecadu nga enda guti, peru ni rudii Dios sin quixe la? Sicarí nga bisihuinni Dios pabiá' nadxii laanu: biseenda tobi lucha Xiiñi ndaani guidxilayú para ganda ibani nu pur laa.

Ndi nga enda ranaxhii: cadi purti nadxii nu Dios, snuque laabe nga gunaxhii be laanu ne biseenda be Xiiñi be para guiaxa irá stonda nu. Peru Dios bisihuinni pabiá' nadxii laanu purti guti Cristu pur laanu laga naca nu binni ruchee.

Yanna jmaru si zalá nu de lu ná xiana sti Dios pur laabe.

Dios neca laabe nga 3 binni gadxé gadxé, Bixhoze, Xiiñiʼ (Jesucristu), ne Espíritu Santu, laabe nga ti ser si, ti Dios si ni naca 3 binni gadxé gadxé (cadi 3 dios gadxé gadxé) Dios bixhózenu ne Dios Espíritu Santu nga Dios guidubi naca, Jesucristu laaca Dios guidubi naca neca laaca binni guidubi naca be casi laanu, ti binni! ¡Jesús nga Dios ne binni tobi si tiru! Jesús nga ni bilá binni guidxilayú. Xhamiguaʼ, gastiʼ sti lá ni nuu ndaaniʼ guidxilayú riʼ ni maʼ bidii Dios laanu para guilanu, sínuque lá Jesucristu si.

Jesús guti pur lii para guni perdonar lii ca pecadu stiluʼ, gudiʼdibe lu stale yuubaʼ ne yuubaʼ ti ganda gaca perdonarluʼ pur guendaguti stibe ne guicaaluʼ ti garantía de guendanabani ni qué zaluxe neca gátiluʼ, ziuu dxi guiasa binni de lade gueʼtuʼ ne ziuu ti guidxilayú ni maʼ guca restaurar ne guibáʼ ni maʼ guca restaurar.

Rinaba laatu guni cre tu Jesucristu casi Señor stitu ne ni Ulá laatu. Biʼniʼ cré ca diidxaʼ nacubi ne galán ca ante guiluxe ni. Biʼniʼ arrepentir (bixeleʼ de pecadu ne bibiguetaʼ ra nuu Dios) ne gupa confianza guidubi ladxidoʼloʼ lu Jesucristu yannadxí. Naquiiñeʼ guiziidiluʼ jma de Dios ne gúʼndaluʼ jma de laabe purtiʼ rizaaláʼdxibe lii («Lagusaba guiráʼ ni riguu xizaa laatu luguiabe, purtiʼ rizaaláʼdxibe laatu»). ¡Bini seguir Jesús dede yannadxí, cadi cuézaluʼ! ¡Maʼ cadi seguru diʼ zaca ni sti dxi! Cadi guidxíbiluʼ guinabadiidxaluʼ xiixa...