Or nana kera kav loho u hemban cii la ga, aluer nan vande kaven zayol u tar ne ga yô.

Or nana kera kav loho u hemban cii la ga, aluer nan vande kaven zayol u tar ne ga yô. U nenge angbian wam, se uumache se mba eren isholibo.

Ve cii ve er isholibo nahan ve kera zua a iengem i Aôndo ga, sha mimi yô, orperapera môm ngu shin tar u nan eren akaa a dedoo gbem, nan eren isholibo mayange ga yô.

Isholibo yase ka kwagh u a pav se a Aondo, isholibo ka poison man mo man we ijende yam se er Aondo isholibo nahan se kuma u zuan a mtsaha u tsôron ken igyamusu man a gba u Aondo una ôr se ijir sha asorabo ase saa Aondo una de se asorabo ase.

Aluer se mba a ian i yiman se sha asorabo ase man u zan ken igyamusu ga yô, se kera zua a uma u tsôron vea Aôndo ga. Uma u a er isholibo yô, una kpe. Ijiir i masetyô i uumace vea za yô ngi 2. Mbagenev vea za ken igyamusu, vea za zua a mtsaha u tsôron man mbagenev vea zua a uma u tsôron sha u he man tar u he.

Mimi ne i pase se sha ci u anyom udubu imôngo a karen ne, Aondo u a lu or u gban akaa cii la yange ôr kwagh a ior sha kwagh u "oryiman" u una mar shin tar shi una lu uma u perapera a isholibo i môm kpaa ga yô.

Yange i tsengaôron anyom udubu imôngo ken ijime er or ne vea wua un sha ikyev i ior Nav man mbahemenev Nav, sha kwagh u Ruamabera u Mbakristu man jighjigh u nan yô yange i tsengaôron anyom uderi imôngo cii ve i mar un ye er a wua un shi a mande un sha terankon shi una na uma Na er ka mde u asorabo, er ka nagh ku sha ci u asorabo ase nahan.

Een, huror wam, kwagh ne ka mimi.Or u yange kpe anyom kar er 2000 nahan ne kpe sha u paan asorabo a tar cii. Yange kpe sha ci u hanma or sha ayange a tsuaa la man hegen man ken hemen kpaa. Inja na yo A kpe sha ci wou, A pande asorabo ou sha er u zua a myom yo. Uumache doo un ishima je yô, a kpe sha ci ve cii sha terankon u i er sha kon yô.

Oryiman ne ka or Yesu Kristu, u a gema mhii Na lu u sha la, or ne Yesu Kristu yange kaa er ka Aôndo iyol Na! ka mimi je. Aôndo iyol Na, u a gbe akaa cii la yange sen shin tar er orumace kpôô kpôô, or jimin cii man Aôndo jimin cii: Yesu Kristu. Un kpaa i yilan Un er Wan u Aôndo.

Kwagh ne kpa mbashiada mba ve nenge a Na sha ashe ve er shiada sha mi anyom 2000 ken ijime la, i nger ken kwagh u mbayiase er Yesu Kristu kpe shighe u lu anyom 33 nahan la, i ii un ken uwar u nongo u ushoja kuran un ayange kpuaa sha er or môm nana de ii ikyom i Yesu ga yô.

Tsô sha iyange i sha 3 la i er shiada er Yesu Kristu hide lu uma (a nder shin ku, hemba ku.) ior mba kuman er 500 nahan nenge Yesu Kristu nder shin ku zum u A kpe sha ci u tar kera shi i ii un la.

Tsô ken ayange 40 la cii ior kpishi nenge Yesu kôndo sha zum u i er ityendezwa ér Yesu Kristu una hide una va sha u van a tar u he u mbananjighjigh a Yesu cii, mba ve lu a jighjigh u nan ken a Na ér ka Ter ve man Oryiman ve, mba ve kpe shin ve lu uma la vea ngohol iyol i iengem zum u Una hide la, mbananjighjigh mba ve kpe la vea lu sha shighe u mbakpenev la kpaa. Mve Na la una gema una ngohol iyol i iengem shi una zua a uma u tsôron gbem sha won er ku man isholibo man iferkwagh i lu hemban ve ken masejime nahan.

Een, huror wam Yesu ngu a va ga kpa Una va, shi Yesu ngu hiden ica a gba ga tsô. Nahan, u wa iyol sha mve Na kpa? shin a ôr u ijir ken igyamusu sha ci u u lumun mde u asorabo sha kwagh u Yesu A er sha ci wou la ga?

U nenge ijende yam, mo man we se mbaasorabo se mba a ian i zuan a myom wase ga. Gba u se ngohol i er ka iyua i Aôndo a ne se gbilin sha jighjigh u nan Yesu Kristu man kwagh u A er la, er A kpe sha u paan asorabo ase, i ii un maa a nder shin ku sha iyol, a hemba ku man ka ken a Na tseegh se zua a uma u tsôron man myom ye.

Jighjigh u nan Yesu ka u lumun akaa a mimi sha kwagh Na tseegh ga, jighjigh u nan Yesu ka u nan Un jighjigh, ka u suur sha Yesu sha u zuan a myom man mde u asorabo man uma u tsôron. Aluer u na Yesu jighjigh yo u dondo Un. "A nyôr ken icighanjiir kwa môm tseegh, lu sha awambe a ivo man ônov mba ibua ga, kpa lu sha awambe Na iyol Na, nahan A zua a myom u tsôron."

Yesu Kristu iyol Na yange kaa anyom 2000 ken ijime er: “Gadia tar doo Aôndo ishima je, A na Wan Na u môm môm la, sha er hanma or u nan ne Un jighjigh yô, nana̱ de timin ga kpa nana̱ zua a uma u tsôron yô, or u nan ne Un jighjigh yô, i ôr nan ijir ga, or u nan ne Un jighjigh ga yô, i ôr nan ijir kera je, sha ci u nan ne Wan u Aôndo môm môm la jighjigh ga.

Shi Yesu yange er ityendezwa anyom 2000 ken ijime hen hanma or u nan ne Un jighjigh cii ér: “Mimi je, mimi je M kaan ne ne, or u nan ongo kwaghôron Wam, nan ne Un u A tindim la jighjigh yô, nan ngu a uma u tsôron, nana kera nyôr ken ijir ga, kpa nan due ken ku nan nyôr ken uma.”

Mimi mimi je M kaan ne ne, or u nan ne jighjigh yô, nan ngu a uma u tsôron.”

Shi Yesu kaa a we nyian huror wam er, 'dondo sha a Mo': "Aluer or soo u dondon sha a Mo yô, nana nyiman iyol i nan, nana tôô terankon u nan, nana dondo sha a Mo." Yesu ka gbenda man mimi man uma kpaa, or mom van hen Aondo ga saa sha a Na. Dondo Yesu sha ciu ka Un tseegh Una yima uma wou ye.

...........................................................................................................................................

Yesu kaa ér: “Mo M ngu mnder man uma kpaa, or u nan nem jighjigh yô, nana lu uma shin nana kpe je kpaa, man hanma or u nan lu uma man nan nem jighjigh yô, nana kpe mayange ga, u na kwagh ne jighjigh kpa?”

...........................................................................................................

Ijende yam er ior cii ve er isholibo man ve kera zua a iengem i Aôndo ga yô, i nenge ve ér mba mbaperapera sha mrumun u sha mhôôn Na sha myom u a lu ken Kristu Yesu la. Gadia ka sha mrumun u sha mhôôn i yima ne ye, sha jighjigh u nan; man ka sha ayol a en ga, ka iyua i Aôndo; ka sha ci u ityom ga, sha er ma or nana̱ de te ihagh ga yô. Nahan yô, gema nen asema, hide nen, sha er á ese asorabo a en kera yô, sha er ashighe a myôhôryol aa va sha ishigh ki Ter yô.

Gadia injar i isholibo yô, ka ku, kpa iyua i Aôndo yô, ka uma u tsôron ken Kristu Yesu Ter wase. Ka sha kwagh ne man i tese dooshima u Aôndo ken a vese ye: Aôndo tindi Wan Na u môm môm shin tar sha u se̱ lu uma sha a Na.

Ka sha kwagh ne man dooshima a lu ye, ka er Aôndo a doo se ishima ga, kpa ka er se doo Un ishima man A tindi Wan Na sha u A̱ lu iwom sha ci u asorabo ase yô. Kpa Aôndo tese se dooshima Na sha ku u Kristu A kpe sha ci wase er se lu mbaasorabo her la.

Nahan er i ne se ishô hegen sha awambe Na yô, á hemba yiman se sha iyugh i Aôndo sha a Na.

Aôndo shin er A lu ior kposo kposo 3 nahan kpaa, Ter, Wan (Yesu Kristu), man Icighan Jijingi, ka or môm tseegh, ka Aôndo môm tseegh u a lu ior kposo kposo 3 (ka mbaaôndo kposo kposo 3 ga) Aôndo ter man Aôndo Icighan Jijingi ka Aôndo jimin cii, Yesu Kristu kpa ka Aôndo jimin cii shin er Un kpa a lu or jimin cii er se nahan, a! Yesu ka Aôndo man orumace hen shighe môm! Yesu ka oryiman u tar ne. Angbian wam iti igen ngi shin tar i i ne hen atô u ior i i gbe u se yima sha mi ga saa iti i Yesu Kristu tseegh.

Yesu kpe sha ci wou sha u den we asorabo ou, A kar ken ican man ican kpishi sha er sha ku Na la u zua a mde u asorabo shi u zua a uma u tsôron shin er u kpe nahan kpaa, iyange i mnder u shin ku ia lu shi tar u i hide i sôr man sha u i hide i sôr la kpa una lu.

M ngu kaan a we mer, na Yesu Kristu jighjigh er ka Ter wou man Oryiman wou kpaa. Msugh ne cii, na nen loho u dedoo jighjigh cii man shighe a kar ye. Gema asema (de isholibo gema hen Aondo) man suur sha Yesu Kristu jimin cii nyian. De u seer fan kwagh u Aondo shi u seer ôron kwagh Na sha ci u kwagh wou gba un ishima ("Haa akaa a zan we iyol cii sha a Na, gadia kwagh wou gba Un ishima."). Dondo Yesu hii nyian je, de keghen ga! Kper ka kwagh u a lu vough ga! We a soo u pinen hanma mpin cii...