Mungkan a manghkang hpe shawng n chye na ai sha, ya du hkra kaba dik ai shiga hpe chye na na matu n mai byin ai. Nang mu ai manang wa, anhte shinggyim masha ni hku nna yubak galaw ai.

Mungkan a manghkang hpe shawng n chye na ai sha, ya du hkra kaba dik ai shiga hpe chye na na matu n mai byin ai. Nang mu ai manang wa, anhte shinggyim masha ni hku nna yubak galaw ai.

Yawng gaw yubak galaw nna Karai Kasang a hpung shingkang hpe n lu la ai, teng sha nga yang, kaja ai amu hpe tut nawng galaw nna, galoi mung yubak n galaw ai dinghpring ai masha langai mi mung ndai ga ntsa e n nga ai.

Anhte a yubak gaw Karai Kasang hte garan ginhka ai lam langai mi rai nga ai, yubak gaw n hkru n kaja ai hte nang ngai manang wa Karai Kasang hpe shut hpyit nna ngarai hta htani htana ari jaw hkrum na hte Karai Kasang mara raw ya ai n rai yang anhte a yubak mara ni a matu Karai Kasang tara jeyang hkrum ra na re.

Anhte a yubak mara kaw na hkye hkrang la hkrum ai hte ngarai de shang ai kaw na hkye hkrang la hkrum lu ai n rai yang Karai Kasang hte rau htani htana asak n lu la na re. Yubak galaw ai wenyi gaw si na ra ai. Shinggyim masha ni a matu hpang jahtum du na shara 2 nga ai. Nkau mi gaw ngarai de, htani htana ari jaw hkrum na hte nkau mi gaw sumsing lamu nnan hte ginding aga nnan hta htani htana asak lu la na re.

Ndai tengman ai lam hpe anhte hpe hpaw shadan dan ai gaw, lai wa sai shaning hkying hkum law law hta, lamu ga yawng hpe hpan da ai Karai Kasang gaw, mungkan ga ntsa e shangai wa nna, yubak mara n nga ai sha, dinghpring ai prat hpe nga sa na "hkye hkrang la ai wa" a lam hpe shinggyim masha ni hpe tsun dan ai majaw re.

Ndai wa hpe shi a amyu masha ni hte ahkaw ahkang lu ai ni sat kau na re ngu ai hpe lai wa sai shaning hkying hkum law law hta myihtoi ga tsun da sai, Hkristan Chyum Laika hte makam masham hku nga yang Shi n shangai shi ai shaning latsa ning daram hta sat kau hkrum nna udang ntsa e jen da hkrum nna Shi a asak hpe htingrai htingrat ai hku nna, anhte a yubak mara ni a matu hkungga hku nna nawng ya na re ngu myihtoi ga tsun da ai.

Rai sa, nye manang wa, ndai gaw teng ai.Lai wa sai shaning 2000 ning daram hta si mat sai ndai wa gaw mungkan ting a yubak mara ni hpe htingrai htingrat ya ai hku nna si mat sai. Lai wa sai aten, ya aten, htawm hpang prat hta masha shagu a matu si hkam ya sai. Lachyum gaw Shi gaw na a matu si hkam ai, nang hkye hkrang la hkrum na matu na a yubak mara ni hpe raw dat kau ya ai. Shinggyim masha ni hpe hpun wudang ntsa e shanhte yawng a matu si hkam ai daram tsawra ai.

Ndai hkye la madu gaw, Shi a npawt nhpang gaw Karai Kasang kaw na rai nga ai hpe dan dawng wa ai, ndai masha Yesu Hkristu gaw Karai Kasang shi nan re ngu tsun ai wa rai nga ai! teng nga ai. Karai Kasang shi nan, lamu ga hpe hpan da ai wa gaw, shinggyim masha majing, hkum tsup ai shinggyim masha hte hkum tsup ai Karai Kasang: Yesu Hkristu hku nna mungkan ga de yu hkrat wa sai. Shi gaw Karai Kasang a kasha ngu ai mung rai nga ai.

Ndai lam hpe lai wa sai shaning 2000 ning daram hta Shi hpe mu hkrup ai myi hte mu ai ni mung sakse hkam ma ai, Yesu Hkristu gaw asak 33 ning daram hta si mat nna, Yesu a moi mang hpe kadai mung n lagu la na matu hpyen hpung langai mi sin nga ai lup sung hku hta nhtoi loi mi tawn da ai lam labau hta ka da nga ai.

Dai hpang 3 ya shani hta Yesu Hkristu bai hkrung rawt wa ai hpe sakse hkam lu ai (si ai kaw na hkrung rawt wa ai, si hkrung si htan hpe dang kau lu ai.) masha marai 500 daram gaw Yesu Hkristu mungkan a matu si hkam nna lup makoi hkrum ai hpang si ai kaw na hkrung rawt wa ai hpe mu lu ma ai.

Dai hpang nhtoi 40 ya tup hta masha law law gaw Yesu sumsing lamu de lung wa ai hpe mu lu ma ai, Yesu Hkristu bai du sa na ngu ga sadi jaw da ai shaloi, Yesu hpe kam sham ai ni yawng, Shi hpe shanhte a Madu hte Hkyela Madu hku kam sham ai ni, si mat ai raitim, hkrung nga ai raitim, Shi bai du sa ai shaloi hpung shingkang rawng ai hkum hkrang hpe hkam la lu na re, si mat sai kam sham ai ni gaw hkrung rawt wa ai aten hta, Shi du sa ai shaloi galai shai wa nna hpung shingkang rawng ai hkum hkrang ni hpe hkam la lu nna, si hkrung si htan hte yubak mara hte n hkru n kaja ai lam ni hpe hpang jahtum dang kau ai zawn htani htana asak hpe hkam la lu na re.

Ya, nye manang Yesu gaw garai n du shi ai, raitim Shi du na re, Yesu mung kade nna yang bai du wa na re. Dai majaw, Shi du sa na matu nang jin jin rai nga sai kun? shing nrai, Yesu nang hpe galaw ya ai lam hku nna mara raw ya ai lam hpe n hkap la ai majaw, ngarai de jeyang hkrum na kun?

Nang mu ai nye manang wa, ngai hte nang yubak kap ai ni hku nna anhte a hkye hkrang la ai lam hpe n lu la ai. Yesu Hkristu hpe kam sham ai hte Shi galaw lai wa sai lam ni hpe kam sham ai hku nna Karai Kasang kaw na manu jahpu n jaw ra ai kumhpa hku nna hkam la ra ai, anhte a yubak mara ni hpe htingrai htingrat ya na matu si hkam ai, lup makoi ai hpang si ai kaw na hkum hkrang hte bai hkrung rawt wa ai, si hkrung si htan hpe dang kau ai hte Shi hta sha anhte htani htana asak hte hkye hkrang la ai lam hpe hkam la lu na re.

Yesu hpe kam sham ai ngu ai gaw Shi hte seng ai tengman ai lam ni hpe yin la ai sha n rai, Yesu hpe kam sham ai ngu ai gaw Shi hpe kam hpa ai lam rai nga ai, hkye hkrang la ai lam, mara raw ya ai lam hte htani htana asak lu la na matu Yesu hpe kam hpa ai lam rai nga ai. Yesu hpe kam sham ai rai yang Shi hpang hkan nang na re. "Shi gaw chyoi pra ai shara de kalang ta shang nna, bainam hte dumsu kasha ni a asai hte n rai, shi hkum nan a asai hte shang nna, htani htana hkye hkrang la ai lam hpe lu la wu ai."

Yesu Hkristu shi nan lai wa sai shaning 2000 ning daram hta ndai hku tsun da nga ai: “Karai Kasang gaw shi a Kasha shingtai hpe jaw kau ai kaw du hkra mungkan ga hpe tsaw ra wu ai: Shi hpe kam sham ai wa gaw, tara dara ai n hkrum ai: n kam sham ai wa gaw, Karai Kasang a Kasha shingtai hpe n kam sham ai majaw, tara dara ai hkrum nu ai.

Bai nna, Yesu gaw lai wa sai shaning 2000 ning daram hta Shi hpe kam sham ai kadai hpe mung ndai hku ga sadi jaw da sai: “Ngai nanhte hpe teng teng tsun made ga, Nye a ga madat nna, Ngai hpe shangun dat ai wa hpe kam sham ai wa gaw, htani htana asak lu la nna, tara dara ai de n du ai sha, si ai kaw nna hkrung ai de lai mat wa sai.”

Nanhte hpe ngai teng teng tsun made ai gaw, kam sham ai wa gaw htani htana asak lu la wu ai,” ngu nna shanhte hpe tsun mu ai.

Bai nna, Yesu gaw dai ni nang hpe nye manang wa, 'ngai hpang hkan nang rit' ngu tsun ai: "Ngai hpang hkan mayu ai wa kadai raitimung, shi hkum hpe nyet kau nna, shi a wudang hpe hpai let, ngai hpang hkan nang u ga." Yesu gaw lam rai nga ai, tengman ai hte asak rai nga ai, Karai Kasang hpang de kadai mung shi hku n rai yang n du lu ai. Yesu hpang hkan nang u, hpa majaw nga yang Shi chyu sha na a wenyi hpe hkye la lu ai.

……………………………………………………………………………………….

Yesu ndai hku tsun ai: “Ngai gaw bai hkrung rawt ai hte asak rai nga nngai: ngai hpe kam sham ai wa gaw, si timung hkrung nga na ra ai, hkrung nga nna ngai hpe kam sham ai wa kadai mung, galoi mung si na n rai, dai hpe nanhte kam nga myit ni?”

....................................................................................................

Nye a jinghku wa e, yawng mayawng yubak galaw nna, Karai Kasang a hpung shingkang hpe n lu la ma ai rai nna, Hkristu Yesu a marang e hkye hkrang la ai a marang e, Shi a chyeju hte kumhpa hku nna dinghpring wa ai ni rai nga ma ai. Kaning rai nme law, chyeju hte sha nanhte hkyehkrang la ai hkrum manit dai; dai gaw nanhte kaw na n rai, Karai Kasang a kumhpaw kumhpa rai nga ai; kadai mung gumrawng gumtawng shara n nga u ga, tinang a magam bungli a majaw n rai. Dai rai nna, dai Madu a man e bai shalan shabran ai aten ni du wa u ga, nanhte a yubak mara ni hpe shaprai kau ya ai hkrum u ga, myit malai lu nna nhtang wa marit.

Kaning rai nme law, yubak a shabrai gaw si mat ai rai nga ai: Karai Kasang a manu jahpu n jaw ra ai chyeju kumhpa chyawm gaw, anhte a Madu Hkristu Yesu hta e htani htana asak rai nga ai. Karai Kasang gaw shi a Kasha shingtai hpe mungkan ga de shangun dat nna, shi a marang e anhte hkrung nga lu na matu, Karai Kasang a tsaw ra ai myit anhte hta dan pru wa sai.

Anhte Karai Kasang hpe tsaw ra nga ga ai n rai, Shi anhte hpe tsaw ra nna, anhte a yubak mara a matu gawng malai hkungga tai na matu Shi a Kasha hpe shangun dat ai lam gaw tsaw ra ai lam rai nga ai. Karai Kasang chyawm gaw, anhte yubak kap ai ni naw rai nga yang, Hkristu anhte a matu mara si hkam ai hta, Karai Kasang gaw shi a tsaw ra ai myit anhte hpe madun dan mani ai.

Dai rai nna, shi a asai hte dinghpring lu saga ai majaw, shi a marang e Karai Kasang a pawt sindawng ai hta na grau nna hkyehkrang la ai hkrum na ga ai.

Karai Kasang gaw laklai ai marai 3, Kawa, Kasha (Yesu Hkristu), Chyoi Pra ai Wenyi rai tim, Shi gaw langai sha rai nga ai, Karai Kasang langai sha rai nga ai shi gaw laklai ai marai 3 rai nga ai (hpara 3 n re) Kawa Karai Kasang hte Chyoi Pra ai Wenyi Karai Kasang gaw Karai Kasang hkum tsup ai, Yesu Hkristu mung hkum tsup ai Karai Kasang rai tim Shi mung anhte zawn hkum tsup ai shinggyim masha rai nga ai be, a! Yesu gaw Karai Kasang hte shinggyim masha langai sha rai nga ai! Yesu gaw mungkan ga hpe hkye la ai wa re. Nye a manang wa, Yesu Hkristu a mying hta lai nna, anhte hkye hkrang la hkrum na matu, sumsing lamu npu e, shinggyim masha ni hta jaw da ai kaga amying n nga ai.

Yesu gaw na a yubak mara ni hpe raw dat kau ya na matu nang a matu si hkam ya ai, Shi si hkam ai hku nna nang si mat tim mara raw dat kau ya lu na matu hte htani htana asak hpe kam hpa lu na matu, hkrung rawt ai nhtoi nga na rai nna, bai gram lajang da ai mungkan ga hte bai gram lajang da ai sumsing lamu ni nga na matu, dai daram n hkru n kaja ai lam ni hpe lai di lai wa sai.

Yesu Hkristu hpe na a Madu hte Hkyela Madu hku kam sham na matu ngai hpyi shawn dat nngai law. Chyeju hte kabu gara shiga hpe n hpang hkrat shi yang kam sham nga u. Myit malai (yubak hpe kau da nna Karai Kasang hpang de gayin wa nna) daini Yesu Hkristu hpe tsep kawp kam hpa nga u. Karai Kasang nang hpe lanu lahku nga ai majaw, Karai Kasang a lam hpe grau chye na wa nna, Shi a lam hpe grau nna hti lu u ga ("Shi nang hpe lanu lahku nga ai majaw, na a myit ru myit tsang ai lam yawng hpe Shi a ntsa e mara da u."). Dai ni kaw nna Yesu a hpang hkan nang u, hkum hkring nga u! Hpawt de gaw n mai byin ai! Ga san san mayu ai ni hpe hkum tsang san mai ai...