Makani mapati kwiinda woonse taakonzyi kumvwika kakunyina kumvwisisisya penzi lyanyika.

Makani mapati kwiinda woonse taakonzyi kumvwika kakunyina kumvwisisisya penzi lyanyika. Wabona mweenzuma, swebo mbuli bantu tubisya.

Boonse bakabisya mpawo balaalilwa kusika kubulemu bwaLeza, masimpe, taakwe muntu mululami anyika uuzumanana kuchita zibotu alimwi uutabisyi pe.

Chibi chesu nchintu chitwaandaanya aLeza, chibi nchintu chikola mpawo yebo andime, mweenzuma, twabisizya Leza mpawo tweelede kusubulwa kukabe kutamani muhelo mpawo tuyoobetekwa aLeza akaambo kazibi zyesu kunze kwakuti Leza watulekelela.

Ccita kuti twafutulwa kuzwa kuzinyonyoono zyesu akuunka kuhelo, tatukonzyi kuba abuumi butamani aLeza. Muntu uubisya ulafwa. Kuli masena obile aamamanino aabantu. Bamwi bayoounka kuhelo, kukusubulwa kutamani mpawo bamwi bayooba abuumi butamani kujulu anyika mpya.

Kasimpe aaka kakayubununwa kuli ndiswe nkaambo zyuulu zyamyaka yainda, Leza mulengi wanyika yoonse wakakanana kubantu kujatikizya "mufutuli" ooyo uuyoozyalwa anyika akupona buumi bululeme kakunyina cinyonyoono nociba comwe.

Kwakasinsimwa zyuulu zyamyaka yainda kuti oyu muntu uyoojayigwa abantu bakwe abeendelezi bakwe, kweendelanya alugwalo lwabuna Kkilisito alusyomo lwakasinsimwa myaanda yamyaka katanazyalwa kuti uyoojayigwa akugagailwa achiingano mpawo uyootuula buumi bwakwe mbuli chipaizyo, mbuli chipaizyo chazibi zyesu.

Iyi, mweenzuma, ezi nzyamasimpe. Ooyu mwaalumi wakafwa myaaka iili 2000 yainda wakafwa mbuli kulekelela zinyonyoono zyanyika yoonse. Wakafwida bantu boonse musule, sunu, akumbele. Eezyo zyaamba kuti wakafwida nduwe, wakamanya zibi zyako kuchitila kuti ufutulwe. Wakali kubayanda bantu kusikila mpaakabafwida boonse achiingano chachisamu.

Ooyu mufutuli mwaalumi Jesu Kkilisito, walo wakajana kuti matalikilo aakwe akali aabulemu, oyu mwaalumi Jesu Kkilisito wakalyaamba kuti nguLeza lwakwe mwini! masimpe. Leza lwakwe mwini, mulengi wanyika yoonse wakaboola anyika kali muntu wini-wini, muntu uuzwide alimwi Leza uuzwide: Jesu Kristo. Ooyo awalo wakali kwiitwa kuti mwana wa-Leza.

Eezi zyakasinizyigwa abakamboni bakamubona myaka iili 2000 yakainda, kulilembedwe mumakani aakaindi kuti Jesu Kkilisito wakafwa kajisi myaka yakuzyalwa iili 33 mpawo wakabikkwa mucuumbwe kalindidwe abasikalumamba kwamazuba masyoonto kuchitila kuti kutabi muntu uubba mutunta waJesu.

Mpawo mubuzuba bwatatu kwakabonwa kuti Jesu Kkilisito wakabuka kubuumi (wakabusyigwa kuzwa kubafwu, wakazunda lufu.) bantu bali 500 bakamubona Jesu Kkilisito kabuka kuzwa kubafwu naakamana kufwida nyika akuzikkwa.

Mpawo mukati kamazuba aali makumi aane bantu biingi bakamubona Jesu katanta kuya kujulu aawo naakasyomezyegwa kuti Jesu Kkilisito ulajokela alimwi kuzooleta nyika mpya oomo boonse basyomi muli Jesu, aabo bakali alusyomo muli nguwe mbuli Mwami a Mufutuli wabo, bafwide naa baumi bayootambula mubili uulemekwa aawo nayooboola, basyomi bafwide abalo bayoobusyigwa kuzwa kubafwu, abaabo bapona muchiindi chakwe uyoosanduka mpawo uyootambula mibili ilemekwa mpawo uyookkomana abuumi butamani mbuli lufu acinyonyoono abubi mboziyoozundwa kumamanino.

Mbubo, mweenzuma Jesu tanasika pe, pesi ulaboola, mpawo Jesu ulaboola ino-ino. Aboobo, sena ulilibambilide kuboola kwakwe? naa uyoobetekwa kuya kuhelo nkaambo tokwe kutambula kulekelelwa kwiinda muli ceeco Jesu ncaakakucitila?

Ulabona mweenzuma, mebo anduwe mbuli basizibi tatukonzyi kujana lufutuko lwesu. Tweelede kutambula mbuli chipego chaalubazu kuzwa kuli Leza kwiinda mulusyomo muli Jesu Kkilisito anzyaakachita, kuti wakafwa kuti agwisye zibi zyesu, wakazikkwa mpawo wakabuka kuzwa kubafu mumubili, wakazunda lufu akuti muli nguwe luzutu mpotukonzya kutambula buumi butamani alufutuko.

Lusyomo muli Jesu takuli buyo kuzumina twaambo tujatikizya nguwe, lusyomo muli Jesu nkusyoma muli nguwe, nkusyoma muli Jesu kuti afwutulwe, alekelelwe abuumi butamani. Kuti koli alusyomo muli Jesu ulamutobela. "Wakanjila komwe kukabe kutamani mumasena aasalala, kutali kwiinda mubulowa bwampongo abwabombe pe, pele kwiinda mubulowa bwakwe mwini, aboobo wakajana lufutuko lutamani."

Jesu Kristo lwakwe mwini wakati myaaka iili 2000 yakainda: "Nkaambo Leza wakayandisya nyika, wakapa Mwanaakwe simuzyalwaalikke, kuti kufumbwa uumusyoma atafwidilili pe, pele abe abuumi butamani. Ooyo uumusyoma tabetekwi pe, ooyo uutasyomi wakabetekwa kale, nkaambo tanaakasyoma muzina lya Mwanaakwe simuzyalwaalikke.

Alimwi, Jesu wakasyomezya myaaka iili 2000 yainda kuli kufumbwa uumusyoma kuti: "Nchobeni, masimpe, ndimwaambila kuti, ooyo uumvwa jwi lyangu, akusyoma yooyo wakandituma, ulaabuumi butamani, alimwi tabooli mulubeta, pele wazwa kulufwu akunjila mubuumi."

Ncobeni ndamwaambila masimpe kuti ooyo uusyoma ulaabuumi butamani.”

Alimwi, Jesu ulaamba kuli nduwe sunu mweenzuma, 'konditobela': "Ikuti umwi kayanda kunditobela, weelede kulikaka, abweze chiingano chakwe, akunditobela." Jesu ninzila, kasimpe abuumi, Taakwe uuboola kuli Leza pele kwiinda muli nguwe. Kotobelezya Jesu nkaambo nguwe alikke uukonzya kuvwuna moza wako.

.......................................................................................................................................................

Jesu wakati: "Ndime bubuke abuumi, ooyo uusyoma mulindime ulapona nikuba kuti wafwa, kufumbwa uupona akusyoma mulindime takooyoofwa pe. Hena ulasyoma eci?"

...............................................................................................................

Mweenzuma nkaambo boonse bakabisya akubula bulemu bwaLeza, kabalulamikwa mbuli chipego aluzyalo lwakwe kwiinda mukunununa kuli muli Kkilisito Jesu; Nkaambo muluzyalo mwakafutulwa kwiinda mulusyomo; alimwi eezi tazili kulindinywe pe, ncipego chaLeza; ikutali akaambo kamilimo pe, kutegwa kutabi muntu uukonzya kulidunda. Aboobo amusanduke mupiluke, kutegwa zinyonyoono zyanu zimwaigwe, kutegwa ziindi zyakukatalukwa ziboole kubusyu bwa-Mwami.

Nkaambo bulumbu bwazibi ndufu, pesi chipego chaLeza mbuumi butamani muli Kkilisito Jesu Mwami wesu. Luyando lwaLeza lwakatondezegwa mulindiswe, kuti Leza wakatuma Mwanaakwe simuzyalwaalikke munyika kuti tube abuumi kwiinda mulinguwe.

Muli ceeci luyando, kutali kuti swebo twakamuyanda Leza, pele walo wakatuyanda akutuma Mwanaakwe kuti abe cipaizyo cazibi zyesu. Pesi Leza utondezya luyando lwakwe kulindiswe, nkaambo nitwakachili basizibi, Kkilisito wakatufwida.

Kwiinda waawo, mbuli mbutwalulamikwa abulowa bwakwe, tulafwutulwa kuzwa kubukali bwaLeza kwiinda muli nguwe.

Leza nikuba kuti uli bantu botatwe baindene, Taata, Mwana (Jesu Kkilisito), aMuuya Uusalala, ngumuntu omwe luzutu, Leza omwe luzutu uuli bantu botatwe baindene (kutali baleza botatwe baindene) Leza taata aLeza Muuya Uusalala mbaLeza uuzwide, Jesu Kkilisito awalo nguLeza uuzwide nikuba kuti awalo muntu uuzwide mbuli ndiswe, muntu! Jesu nguLeza alubo muntu achiindi chomwe! Jesu ngo mufutuli wanyika. Mweenzuma taakwe zina limbi munsi lya julu lyakapegwa akati kabantu ndyotweelede kufutulwa kunze lyazina lya Jesu Klistu.

Jesu wakafwida kuti akulekelele zinyonyoono zyako, wakainda mumapenzi manji loko kuchitila kuti kwiinda mulufwu lwakwe ukonzye kulekelelwa akusyomezyegwa buumi butamani nikuba kuti ulakonzya kufwa, kuyooba buzuba bwakubuka mpawo kuyooba nyika iibambululwa amajulu aabambululwa.

Ndakukulwaizya kuti usyome muli Jesu Kkilisito mbuli Mwami wako aMufutuli wako. Ndalomba kuti usyome makani mabotu kakutanainda chiindi. Kosanduka (sanduka kuzwa kuchibi akusanduka kuli Leza) mpawo usyome muli Jesu Kkilisito sunu. Amwiiye zyiingi aatala aLeza akubala zyiingi aatala anguwe nkaambo ulakulanganya ("Kobikka kulibilika kwako koonse kulinguwe, nkaambo ulakulanganya."). Tobela Jesu kuzwa sunu, utalindili pe! Juunza tazisinizyidwe pe! Amulimvwe kwaanguluka kubuzya mibuzyo iili yoonse...