Kabara kaminang lompo tena nakkulle nipahang punna tena nipahangi rolong masalana linoa. Nucini'mi saribattangku, ikatte salaku rupataua dorakai

Kabara kaminang lompo tena nakkulle nipahang punna tena nipahangi rolong masalana linoa. Nucini'mi saribattangku, ikatte salaku rupataua dorakai.

Sikontu taua a'gau dosa siagang anre' na'kulle anrapikang kala'biranNa Allata'ala, sitoje'-toje'na, tena manna sitau tau baji' ri lino tuli anggaukangi kabajikang siagang tena na'gau' dosa.

Dosa ikatte iami antu se're apa yang ampasisa'laki ikatte battu ri tuhan, dosa iami antu racun siagang ikatte siagang inakke, sahabakku, lebba'mi dosa mange ri tuhan siagang pantas nihukkung satunggu-tungguna ri naraka siagang musti ni hadiri ri tuhan lanri dosata punna tena na nipammopporang tuhan ikatte.

Punna tena nakkulle nipasalama battu ri dosa-dosa siagang battu ri naraka, tena nakkulle anggappa katallassang satunggu-tungguna siagang Allata'ala. Nyawa dorakaya lamatei. Nia 2 tujuang paccappureng untuk rupa tau. Sipa'gang la'lampa mange ri naraka, mange ri hukkungang satunggu-tungguna siagang sipa'rua la'jari katallassang satunggu-tungguna ri suruga beru siagang butta beru.

Anne katojenganga nipa'nyatai mange ri katte nasaba' sisa'bu taung allaloa, Allata'ala iami antu pa'jaria sikontu linoa a'bicarai mange ri rupataua ri sesena "pa'lappassang" ia la'jaria ri lino siagang attallasa' baji' tena dosa manna pole antekamma.

Ni ramalkangi sisa'bu taung allaloa angkua anne taua lanibunoi ri umma'na siagang otoritasna, situru' kitta' siagang katappakkang kristen ni ramalkangi ri ratusang taung riolo ri tenanapa nilassukang angkanaya lanibunoi siagang nisalli' ri kayu sallika siagang lanapa'sareangi tallasa'na salaku pa'balasa', salaku koro'bang untu' dosa-dosa.

kamma, agang, anne kammatojengi. Anne tau matea kira-kira 2000 taung allaloa matei salaku pa'lappassang dosa-dosana sikontu linoa. Ia matei untuk sikontu tau riolo, kamma kammayya anne, siagang sallang. battuanna matei untu ikatte, ia ampasalamaki dosa-dosanu sollanna akkulleko nipasalama. Ia mangngamaseangi rupataua sa'genna mate untu' ke'nanga ngaseng ri kayu salli'.

Anne pa'lappassang iami antu tau Isa Almasi, yang ternyata assala'na iami antu ilahi, anne tau Isa Almasi nakana iami antu Allata'ala KalenNa! anjo memang tojeng. Allata'ala kalenna, pa'jari linoa naung ri lino salaku rupatau tojeng-tojenga, rupatau sukku' siagang Allata'ala sukku': Isa Almasi. Ia nigallaraka ana'Na Allata'ala.

anne ni saksikan tongi ri tau anciniki ia 2000 taung allaloa, nicata'mi ri sejarah angkua Isa Almasi matei ri umuru 33 taung siagang nipadongko ri jera' ni jaga ri se'reang rombongang tantara pirangalloang sollanna tena tau ancokkoi maya'na Isa.

Nampa ri allo maka tallu ni saksikan angkua Isa Almasi ammotere attallasa (nibangung poleang battu ri kamateanga, nabeta kamateanga.) kira-kira 500 tau anciniki Isa Almasi attallasa poleang battu ri kamateanga ribokoangna mate untu linoa siagang nitarawang.

Nampa lalang 40 allo siapa are tau anciniki Isa nai' ri suruga ri wattu ni janjinna angkanaya Isa Almasi la'lampai ammotere' untu' angngerang lino beru ri kere-keremae sikontu tau tappaka ri Isa, tau tappaka ri Ia salaku Karaeng siagang Pappala' doangna, mate yareka attallasa' lanatarimai tubu nipakalompoa punna ammotere', tau tappaka matea lanipabangung tongi ammotere' battu ri tau matea, siagang tau tappaka ri wattu attallasa'na lanipinra siagang lanitarimai tubu nipakalompo siagang laninikmati katallassang satunggu-tungguna sangkamma kamateang siagang dosa siagang kaja'dallanna kala'busanna nibeta.

Na, sahabakku Isa tenapa na battu, mingka Ia labattui, siagang Isa labattui sallang. Jari, maka sadia mako untu battuna? iareka lani hukkungi mange ri naraka nasaba tena nu tarima pammopporang lanri apa lebaka nagaukang Isa mae ri kau?

Nucini saribattangku, inakke siagang ikatte salaku tau doraka tena nakkulle anggappa kasalamakkanta. Ikatte musti antarimai salaku hadia gratis battu ri tuhan lanri tappaka ri Isa Almasi siagang apa Nagaukanga, iamintu matei untu ampasalamaki dosata, nitarawang nampa ambangung poleang battu ri kamateanga, nabeta kamateanga siagang ia mami akkulle anggappa katallassang siagang kasalamakkang satunggu-tungguna.

Tappa ri Isa teai poro pangngakuang fakta ri sesena Ia, tappa ri Isa iamintu tappa ri Ia, iamintu a'gandeng ri Isa untu' kasalamakkang, pammopporang siagang katallassang satunggu-tungguna. Punna tappakko ri Isa, lanupinawang mako ri Ia. "Ia antama se'reji bawang ri tampa' matangkasaka, teai cera' bembe siagang cera' sapi, mingka cera' kalenna, sa'genna akkulle nipa'jari pa'lappassang satunggu-tungguna."

Isa Almasi kalenna angkana 2000 taung allaloa: “Nasaba sanna' pangngamaseanna Allata'ala ri lino, sa'genna Napassareang Ana' tunggala'Na, sollanna inai-nai tappa' ri Ia tena nalanynya', mingka anggappai katallassang satunggu-tunggua. Inai-nai tappa' ri Ia tena nanihukkung, inai-nai tena natappa', le'ba'mi nihukkung, nasaba' tena natappa' ri Ana' tunggala'Na Allata'ala.

Kammayatompa, Isa a'janji 2000 taung riolo mange ri inai-nai tappaka ri Ia: “Sikontutojenna, sitoje'-toje'na, Kukana ri kau, inai-nai allangngere' kana-kanangKu, siagang tappa' ri Ia assuroA', anggappai katallassang satunggu-tungguna, siagang tena nalaniadeli, mingka assulu'mi battu ri kamateanga mange ri katallassanga.”

Annaba tojengi anne kanangKu: Inai-nai tappa' iami langgappai katallassang satunggu-tunggua.”

Kammayatompa, Isa angkana ri kau anne alloa saribattangku, 'pinawangko': "Punna nia' tau ero' amminawang ri Nakke, musti nabokoi kalenna, naangka' salli'na, nampa amminawang ri Nakke." Isa iami antu oloang, katojengang siagang katallassang, tena tau battu mange ri tuhan punna tena na lanri ia. amminawang ri Isa nasaba ia mami akkulle ampasalamaki nyawanu.

..............................................................................................................................................................

Nakana Isa: “Inakke iami antu katallassang poleang siagang katallassang; inai-nai tappaka ri Nakke lattallasa manna pole mate, siagang inai-nai attallasa siagang tappaka ri Nakke tena nalamate satunggu-tungguna. Maka tappakko ri anne?”

.................................................................................................................

Saribattangku nasaba yangasenna tau dorakaya siagang anre' na'kulle anggappa kala'biranNa Allata'ala, nasaba' nitarimai salaku hadia lanri pangngamaseanNa lanri pa'lappassang niaka ri Almasi Isa; Nasaba' lanri pangngamaseanNa Allata'ala, nanipasalama' mako lanri tappa'nu mae ri Allata'ala; siagang anjo teai battu ri kalennu, passangalinna passare battu ri Allata'ala; teai lanri panggaukanna taua, sollanna tena manna sitau akkulle ampakalompoi kalenna. Lanri kammana, toba' mako battu ri dosa-dosanu, siagang ammotere' mako, sollanna Napammopporang dosa-dosanu.

Nasaba' gajina dosaya iamintu kamateang, mingka passareNa Allata'ala iamintu katallassang satunggu-tunggua asse're siagang Isa Almasi, Batarata. Napa'nyatami pangngamaseanNa Allata'ala mae ri katte, iamintu Nasuromi Ana' sitau-tauNa battu ri lino sollanna akkulle attallasa' tete ri Ia.

Iaminne pangngamaseanga, teai lanri ikatte angkamaseangi Allata'ala, mingka lanri Ia angkamaseangi ikatte siagang Nasuroi Ana'Na untu' ampammopporangi dosa-dosanta. Mingka Napappicinikammi pangngamaseanNa Allata’ala mae ri katte, iamintu ri wattunta tau doraka ija, matemi Almasi untu’ ikatte.

Jari, kamma-kamma anne le'ba'mi nipa'jari baji' ammotere' lanri cera'Na, lanipasalama' maki' battu ri larroNa Allata'ala lanri Ia.

Allata'ala manna pole Ia 3 tau maraeng, Mangge, Ana' (Yesus Kristus), siagang Roh Kudus, Ia se'reji bawang, se'reji Allata'ala iamintu 3 tau maraeng (teai 3 Allata'ala maraeng) Allata'ala bapa' siagang Allata'ala Roh Kudus iamintu Allata'ala sukku', Isa Almasi to'ji Allata'ala sukku' manna pole Ia to'ji tau sukku' sangkamma ikatte, tau! Isa iami antu tuhan siagang rupatau ri wattu to'ji! Isa iami antu pa'lappassang linoa. Saribattangku tena areng maraeng ri rawanganna langika nipassareang ri tangnga-tangngana rupa tau akkullea ampasalamaki pantaranganna areng Isa Almasi.

Isa matei untu ikatte untu ampammopporangi dosa-dosanu, Ia allaloi sanna' jaina pa'risi' siagang pa'risi' sa'genna lanri kamateanNa akkulleko nipammopporang siagang nijamin katallassang satunggu-tungguna manna pole mate mako, rie' allo pa'bangungang siagang rie' to'ji lino nipa'jari ammotere' siagang langi' nipa'jari ammotere'.

Kupalaki ri kau ngaseng sollannu tappa' ri Isa Almasi salaku Bataranu siagang Karaeng Mappasalama'nu. Patappaki anjo kabara bajika riolo ri tenanapa na sallo. Toba' mako (ammotere' mako battu ri dosaya siagang ammotere' mako mae ri Allata'ala) siagang tappa' tojeng-tojeng mako ri Isa Almasi anne alloa. Poro pila' angngassengi ri sesena Allata'ala siagang pila' ambacai ri sesena Ia nasaba' Ia angngurusu'ko ("Pa'le'baki sikontu pa'risi'nu mange ri Ia, nasaba' Ia angngurusu'ko."). amminawang ri Isa battu ri alloa anne, teako antayangi! Ammuko tena na ni jamin! Punna rie' pakkuta'nangnu, teako mallakki akkuta'nang...