Ing pekamaragul a balita e malyaring aintindian nung e ta aintindian pa mu ing problema ning yatu. Akakit mu kaluguran, itamu bilang tau mikasala tamu.

Ing pekamaragul a balita e malyaring aintindian nung e ta aintindian pa mu ing problema ning yatu. Akakit mu kaluguran, itamu bilang tau mikasala tamu.

Ding sabla mikasala la at e la miras king ligaya ning Dios, tutu pin, alang taung matulid keti king yatu a alang patugut darapat mayap at e kapilan man mikasala.

Ing kasalanan tamu metung yang bage a makayaliwa kekatamu king Dios, ing kasalanan lasun ya at ika at aku, kakaluguran ku, mikasala tamu king Dios at karapatdapat tamung parusa king alang anggang impierno at kailangan tamung atulan ning Dios para kareng kasalanan tamu nung e na katamu patawaran ning Dios.

Nung e tamu miligtas karing kasalanan tamu at king pamaglub king impierno, e tamu mika bie alang angga kayabe ning Dios. Ing kaladuang mikasala mate ya. Atin yang adwang tauling puntalan ing tau. Ating munta king impierno, king alang anggang parusa at ding aliwa mika bie lang alang angga king bayung banua at bayung yatu.

Ing katutwan a ini mipabalu ya kekatamu uling libu-libung banua na ing milabas, ing Dios a miglalang king mabilug a yatu migsalita ya karing tau dikil king "megligtas" a mibait keti king yatu at mibiebie yang matulid a alang nanu mang kasalanan.

Mehula na libu-libung banua na ing milabas na ing taung ini paten de ring sarili nang memalen at awtoridad, agpang king Kasulatan at kasalpantayanan da ring Kristiyanu mepropesiya na dinalan a banua bayu ya mibait na paten de at ipaku king krus at iyain ne ing bie na bilang pamanatbus, bilang ain para karing kasalanan tamu.

Wa, kaluguran ku, tutu ini. Iting taung mete mga 2000 banua na ing milabas mete ya bilang pamanatbus kareng kasalanan ning mabilug a yatu. Mete ya para karing sabla king milabas, king kasalukuyan, at king daratang a panaun. Buri ng sabyan mete ya para keka, inatbus nala ding kekang kasalanan ban miligtas ka. Liguran na la ring tau angga king mete Ya para karela ngan king metung a krus a gawa king dutung.

Ining talapagligtas yapin ing taung i Jesu-Cristo, na ing penibatan na maka-Dyos ya, ining taung i Jesu-Cristo inaus na ing Dios ya mismu! tutu pin ita. Ing Dios mismu, ing miglalang king meto sikluban tinipa ya keti yatu anting metung a tune tau, ganap a tau at ganap a Dios: y JesuCristo. a iti meyaus yang anak ning Dios.

Iti pepatutuan da naman ding menakit kaya 2000 banua na ing milabas, makasulat king kasalesayan na mete ya y Jesu Kristo bandang 33 banua at mibili ya king metung a kutkutan a bantayan da ring grupu da ring sundalus kilub ning mapilan a aldo ban alang manako king katawan nang Jesus.

Kanita keng katlung aldo meyakit na i Jesu-Cristo sinubling mebie (sinubli yang mebie ibat kareng mete, simbut ne ing kamatayan.) mga 500 katau ing menakit kang Jesu-Cristo a sinubling mebie ibat kareng mete kaybat nang mete para keng yatu at mikutkut ya.

Kanita kilub ning 40 aldo ikit deng mapilan a tau i Jesus minukiat ya banua inyang pengaku na i Jesu-Cristo mibalik yang pasibayu ban idala ne ing metung a bayung yatu nung nukarin ding sablang talasalpantaya kang Jesus, detang ating kasalpantayanan Kaya bilang karelang Ginu at Talapagligtas, mete la man o mabie tanggap lang metung a katawan a maligaya potang mibalik ya, ding mete talasalpantaya subli lang mie ibat karing mete, at ding talasalpantaya a mabie king panaun ning pamagbalik na magbayu la at tanggap lang maligayang katawan at tangkilikan ing bie alang angga kabang ing kamatayan at ing kasalanan at ing dewakan king tauli mibagsak la.

Na, ing kaluguran kung i Jesus e ya pa dinatang, pero datang ya, at malapit neng magbalik i Jesus. Inya, makasadya na ka king paniatang na? o miyatulan ka king impierno uling e mu tinggap ing kapatawaran kapamilatan ning gewa nang Jesus para keka?

Ikit mu kaluguran ku, aku at ika bilang makasalanan e ta malyaring akwa ing kekatamung kaligtasan. Kailangan tamung tanggapan iti bilang alang bayad a regalu ibat king Dios kapamilatan ning kasalpantayanan kang Jesu-Cristo at king depatan na, na mete ya ban atbus ing kasalanan tamu, mikutkut ya at kaybat sinubling mebie king katawan, sinakup king kamatayan at king Kaya mu tamu tanggapan ing bie alang angga at kaligtasan.

Ing kasalpantayanan kang Jesus ali yamu ing pamangilala kareng katutwan tungkul kaya, ing kasalpantayanan kang Jesus yapin ing pamagtiwala kaya, iti ing pamagdependi kang Jesus para king kaligtasan, kapatawaran at bie alang angga. Nung atin kang kasalpantayanan kang Jesus tukian me. "Misan ya mung linub karing banal a lugal, e king kapamilatan ning daya da ring kambing at biserung baka nune king kapamilatan na ning sarili nang daya, ban kanita mika-kabus yang alang angga.”

I Jesu Kristo mismu sinabi na 2000 banua na ing milabas: “Uling king lugud na ning Dios king yatu binie ne ing bugtung nang Anak ban ing ninumang maniwala keya e ya mate nune mika bie yang alang angga.Ing maniwala keya e ya miatulan, ing e maniwala miyatulan ne uling e ya meniwala king lagyu ning bugtung nang Anak ning Dios.

Kayabe na niti, pengaku nang Jesus 2000 banua na ing milabas kareng ninu mang maniwala kaya: “Ing katutuan, ing katutuan, sasabian ku kekayu, ing makiramdam king amanu ku, at maniwala king mitubud kanaku, atin yang bie alang angga, at e ya miras king husgadu, nune linual ne king kamatayan papunta king bie.”

Ing katutuan sasabian ku kekayu: ing maniwala atin yang bie alang angga.”

Kayabe na niti, sinabi nang Jesus keka ngeni kaluguran ku, 'tuki ka kanaku': "Nung ninuman bisa yang tuki kanaku, sukat nang isakuil ing sarili na, pusanan ne ing krus na, at tuki ya kanaku." I Jesus ya ing dalan, ing katutwan at ing bie, Alang miras king Dios nung e king kapamilatan na. Tuki ka kang Jesus uling Ya mu ing makapagligtas king kaladwa mu.

............................................................................................................................................................

Nganang Jesus: “Aku ing pamaniubling mebie at ing bie: ing maniwala kanaku mie ya agyang mate ya at ing ninumang mabibie at maniwala kanaku e ya mate kapilan man. Maniwala ka kaniti?”

...............................................................................................................

Kaluguran ku uling ding sabla mikasala la at e la miras king ligaya ning Dios, at mipatawaran la bilang regalu king kapamilatan ning grasya na king kapamilatan ning pangayatbus a atyu kang Cristo Jesus; Uling king kapamilatan na ning grasya miligtas kayu king kapamilatan na ning kasalpantayanan; at ita e king kekayung sarili, iti regalu ne ning Dios; e king uli na ning dapat, bang ninuman e ya magmarangal. Uli na niti, sumisi kayu at magbalik, ban mipatawaran na la ding kekayung kasalanan, ban datang ing panaun ning kapainawan ibat king arapan na ning Ginu.

Uling ing bayad na ning kasalanan ya ing kamatayan, oneng ing alang bayad a regalu na ning Dios ya ing bie alang angga kang Cristo Jesus a Ginu tamu. King kapamilatan na niti, mipakilala ing lugud na ning Dios kekatamu, inyang tinubud ne ning Dios ing bugtung nang Anak king yatu ban mie tamu king kapamilatan na.

Iti ing lugud, e uling liguran ta ya ing Dios, nune liguran na katamu at tinubud ne ing Anak na ban maging ain-sakripisyu para karing kasalanan tamu. Oneng pepakit na ning Dios ing sarili nang lugud kekatamu, uling kabang makasalanan tamu pa, mete ya i Cristo para kekatamu.

Lalung lalu na, uling ngeni mipatawaran na katamu king kapamilatan na ning daya na, miligtas tamu king mua ning Dios king kapamilatan na.

Ing Dios agyang atlu yang miyayaliwang persona, Ibpa, Anak (Jesu-Kristo), at Banal a Espiritu, metung ya mung lelangan, metung ya mung Dios a atlung miyayaliwang tau (ali 3 miyayaliwang dios) ing Dios a ibpa at ing Dios a Banal a Espiritu ganap lang Dios, I Jesu-Cristo ya naman ganap yang Dios agyang ganap yang tau kalupa tamu, metung a tau! I Jesus Dios ya at tau ya keng parehung oras! I Jesus ya ing talapagligtas ning yatu. Kakaluguran ku alang aliwang laguiu lalam ning banua a mibiye karing tau a nung nu tamu dapat miligtas nung e mu ing laguiu nang Jesu-Cristo.

Mete ya i Jesus para keka ban patawaran na ka kareng kasalanan mu, dinalan yang dakal a kasakitan at kasakitan ban king kapamilatan ning kayang kamatayan mipatawaran ka at garantisadu ing bie alang angga agyang mate ka, mika aldo ning pamanyubling mie at mika mibalik a yatu at mibalik ing banua.

Agkatan da kayu king maniwala kayu kang Jesu-Cristo bilang Ginu at Talapagligtas yu. Maniwala tamu pu king mayap a balita bayu pa malaut ing sabla. Sumisi (magbalik king kasalanan at magbalik king Dios) at manalig kang lubus kang Jesu-Cristo ngeni. sana dakal kang abalu tungkul keng apung ginu ampo dakal kang abasa tungkul kaya uling atin yang malasakit keka ("Ibili mu ing sablang kaligaligan mu kaya, uling atin yang malasakit keka."). Tuki ka kang Jesus manibat ngeni, e ka manaya! E ya garantisadu ing bukas! Malyari kayu pung mangutang nung atin kayung kutang...