Ewe poraus mi nap ese tongeni weweiti ika sise weweiti akkom ewe osukosuken fonufan. Ka kuna chienei, kich aramas sia tipis.

Ewe poraus mi nap ese tongeni weweiti ika sise weweiti akkom ewe osukosuken fonufan. Ka kuna chienei, kich aramas sia tipis.

Meinisin ra tipis me rese tori lingen Kot, enlet, ese wor emon mwan mi pung won fonufan mi fori minne mi murinno fansoun meinisin me ese fori tipis.

Ach tipis ina ew mettoch mi aimufeseni kich seni Kot, tipis ina poison me en me ngang, chienei, sia tipis ngeni Kot me mi fich ngenikich ach sipwe kuna kapung ese much non hell me epwe wor ach sipwe kapung me ren Kot ren ach kewe tipis ika pwe Kot ese omusano tipisich.

Ika sise tongeni ngaseno seni ach kewe tipis me seni ach sipwe feino ngeni hell, sisap tongeni angei manau ese much ren Kot. Ewe soul mi tipis epwe mäla. Mei wor 2 soponon nenien aramas. Ekkoch repwe feilo ngeni hell, ngeni kapwung esemuch me ekkoch repwe kuna manau esemuch lon eu lang sefo me eu fonufan sefo.

Ei ennet a pwa ngeni kich pokiten fite puku ier a no, Kot ewe a fori meinisin fonufan a kapas ngeni aramas usun "ewe chon amanau" epwe uputiw won fonufan me manaueni ew manau mi pung nge esap wor tipisin.

A fen oesini fite puku ier a no pwe ei mwan epwe ninnino me ren pwisin noun kewe aramas me ekkewe sou nemenem, anongonong won ewe Puken Kraist me nuku a fen oesini fitepuku ier me mwen an uputiw pwe epwe ninnino me irapengesino won ew irapenges me epwe awora manauan pwe epwe ew asoren achasefan, pwe epwe ew asor fan iten ach kewe tipis.

Ewer, chienei, ei mi ennet.Ei mwan a mano ukukun 2000 ier a no a mano pwe asoren tipisin unusen fonufan. A máló fán iten aramas meinisin me lóóm, lón ei fansoun, me lón mwachkkan. Wewen pwe A mano fan itom, A achasefan fan iten om kewe tipis pwe kopwe tongeni ngaseno. A tongei aramas tori an mano fan iter meinisin won efoch irapenges mi for seni ira.

Ei chon amanau ina ewe mwan Jises Kraist, ewe a pwarata pwe poputan kewe ra pin, ei mwan Jises Kraist a apasa pwe i pwisin Kot! mi ennet. Kot pwisin, ewe chon forata ewe fonufan a feitiw fonufan usun emon wesewesen aramas, unusen aramas me unusen Kot: Jises Kraist. A pwal iteni Nöün Kot.

Ei a pwan pwarata ren ekkewe chon kuna meser ra kuna I 2000 ier a no, a mak non uruwo pwe Jises Kraist a mano nupwen a ukukun 33 ierin me a nom non ew peias mi tumunu ren ew mwichen sounfiu ren fitu ran pwe esap wor emon epwe solani inisin Jises mi mano.

Iwe non ewe 3 ran a pwarata pwe Jises Kraist a manausefan (a manausefan seni mano, a akkufu mano.) ukukun 500 aramas ra kuna Jises Kraist a manausefan seni mano mwirin an mano fan iten fonufan me a peias.

Iwe non unusen 40 ran ekkoch aramas ra kuna Jises a feita nang nupwen a pwon pwe Jises Kraist epwe niwin sefan pwe epwe usher non ew fonufan mi fo ikewe meinisin chon nuku non Jises, ekkewe mi wor ar nuku non I pwe ar Samol me Chon Amanau, mano ika manau repwe angei ew inis mi manau nupwen epwe niwinsefan, ekkewe chon nuku mi mano repwe pwan non ewe An feito epwe siwin me epwe angei inis mi ling me epwe pwapwaiti manau ese much nupwen mano me tipis me ngaw ra soposopono ne akkufu.

Iwe, chienei Jises ese mwo feito, nge epwe feito, me Jises epwe mwitir niwin. Iwe, ka fen ammonata ngeni An feito? ika kopwe kapung ngeni hell pokiten kese etiwa omusomus ren met Jises a fori fan itom?

Ka kuna chienei, ngang me en pwe chon tipis sise tongeni angei ach amanau. Sipwe angei pwe ew niffang ese kamo seni Kot ren ach nuku non Jises Kraist me met A fori, pwe A mano pwe epwe achasefan fan iten ach kewe tipis, a peias me mwirin a manausefan seni mano non inis, a akkufu mano me non I chok sia tongeni angei manau ese much me amanau.

Nuku non Jises esap chok ach sipwe apasa pwe mi ennet usun I, nuku non Jises ina ach sipwe nukunuk non I, a chok anongonong won Jises ren amanau, omusomus me manau ese much. Ika a wor om nuku non Jesus kopwe tapweno mwirin. "A tolong lon ewe leeni mi pin fan eu chok, nge esap ren chaan kuuch me nienifön kow, nge ren pwisin chaan, iwe, a angei eu ngaselo esemüch.”

Jises Kraist pwisin a apasa 2000 ier lom: “Pun Kot a fokkun tongei chon fonufan, pwe a fangelo Noun we Alaemon, pwe meinisin mi luku i resap poutmwalilo, nge repwe kuna manau esemuch.

Pwal och, Jises a pwon 2000 ier lom ngeni io chok mi luku I: “Enlet, enlet, upwe apasa ngenikemi, pwe io mi rongorong ai kapas, o luku ewe mi tinieito, epwe kuna manau esemuch, o esap tolong lon kapwung, nge a fen tou seni malo ngeni manau.”

Enlet, enlet, üpwe ürenikemi, pwe iö a lükü a eäni manau esemüch.”

Pwal och, Jises a apasa ngonuk ikenai chienei, 'kopwe tapweto mwiri': "Ika emon a mochen tapweto mwiri, epwe poutano pwisin i, epwe uwei an irapenges o tapweto mwiri." Jesus I ewe al, ewe ennet me ewe manaw, Ese wor emon epwe feito ren Kot nge ren chok I. Tapweno mwirin Jesus pun I chok a tongeni amanaua ngunum.

...........................................................................................................................................

Jises a apasa: “Ngang ewe manausefal me ewe manau, are emon mi lukuei epwe manau inaamwo ika epwe malo, nge emon mi manau o lukuei esap malo feilfeilo chok, ka luku ei?”

...........................................................................................................

Chienei pokiten aramas meinisin ra tipis o rese tori lingen Kot, ra pung usun eu liffang ren an umoumoch ren ewe amanau mi nom ren Kraist Jises. Pun ren än Kot ümöümöch oua küna manau ren ämi lükülük. iwe ena esap seni pwisin ami, pwe ew niffangen Kot; sap pokiten ämi föför, pwe esap wor eman epwe aingaing won. Iei mine oupwe aier o liwiniti ämi tipis, pwe epwe amola ämi tipis, pwe epwe war fansoun asösö seni fän mesen ach Samol.

Pun liwinin tipis mäla, nge än Kot lifang ngenikich manau esemüch lon Kraist Jesus ach Samol. Iei usun Kot a pwäri än Kot echenikich: Kot a tinato Nöün Aleman ngeni fanüfan, pwe sipwe manau ren.

Iei wewen chen, sap pwe kich sia echeni Kot, nge i a echenikich o tinato Nöün we pwe epwe asoren omusamusen ach tipis. Nge Kot a pwäri ngenikich an echenikich, pwe lupwen sia chüen chon tipis, Kraist a mäla fänäsengesich.

Iei mine sia küna pwüng me ren Kot ren chaan, epwe fen ifan me watten ach küna manau seni än Kot song ren i.

Kot ina mwo ika I 3 aramas mi sokkono, Sam, Nau (Jises Kraist), me Ngun mi Fel, I emon chok aramas, emon chok Kot mi 3 aramas mi sokkono (esap 3 kot mi sokkono) Kot ewe sam me Kot ewe Ngun mi Fel ir unusen Kot, Jises Kraist a pwan unusen Kot ina mwo ika I pwan unusen aramas epwe usun chok kich, emon aramas! Jises Kot me aramas lon eu chok fansoun! Jises ewe chon amanaua ewe fonufan. Chienei ese wor pwan ew it fan nang a fen kawor me nein aramas ren minne sipwe amanaua tiwenon chok ewe iten Jises Kraist.

Jises a mano fan itom pwe epwe omusano om tipis, a fetan non chommong metek me riaffou pwe ren an mano kopwe tongeni omusano me nukunukoch ngeni manau ese much ina mwo ika kopwe mano, epwe wor ew ranin manausefan me epwe wor ew fonufan mi niwinsefan me nang mi niwinsefan.

Ua pesei ngenikemi pwe oupwe nuku non Jises Kraist pwe I ami Samon me ami Chon Amanau. Kose mochen kopwe nuku ewe kapas allim me mwen epwe tori fansoun. Aier (kunu seni tipis me kul ngeni Kot) me unusen nuku non Jises Kraist ikenai. Amwo kopwe kaeo chommong usun Kot me anneani chommong mettoch usun I pun a tumunukemi ("Oupwe likiti ngeni i meinisin ami osukosuk, pun a tumunukemi."). Tapweno mwirin Jesus seni ikenai, kosapw witiwit! Lesor ese fis! Kose mochen kopwe tongeni eisini ika mei wor om kapas eis...