Berita si mbelinna si pernah lit la banci ipahami adi la ipahami lebe masalah doni enda.

Berita si mbelinna si pernah lit la banci ipahami adi la ipahami lebe masalah doni enda. Idahndu temanku, kita selaku manusia erdosa.

Kerina enggo erdosa janah kurang i bas kemulian Dibata nari, tuhu-tuhu la lit sekalak pe kalak si bujur i doni si lalap erbahan si mehuli ras si la pernah erbahan dosa.

Dosa-dosanta eme sada hal si nirangken kita ras Dibata, dosa eme racun janah kam ras aku temanku enggo erdosa man Dibata janah patut iukum rasa lalap i neraka janah arus iadili Dibata erkiteken dosa-dosanta kecuali Dibata ngalemi kita.

Adi la kita banci iselamatken ibas dosa-dosanta nari ras ibas neraka nari, maka la banci kita ndatken kegeluhen si rasa lalap ras Dibata. Kesah si erdosa la banci lang mate. Lit 2 tujuan akhir man manusia. Lit si masuk neraka, ku ukumen si rasa lalap janah lit ka si ndatken kegeluhen si rasa lalap i surga ras doni si mbaru.

Kebenaren enda enggo ipetangkas man banta erkiteken ribun tahun si lewat, Dibata si jadi si nepa kerina alam semesta ngerana man manusia kerna “juruselamat” si bakal tubuh i doni enda ras nggeluh bujur alu la lit dosana kai pe.

Enggo inubuatken ribun tahun si lewat maka dilaki enda ibunuh bangsa ras pemerentahNa sendiri, rikutken Kitab ras kiniteken Kristen enggo inubuatken ratusen tahun ope Ia tubuh maka Ia ibunuh ras ipakuken i kayu persilang janah ipersembahkenna kesahNa jadi penebusen, jadi korban guna dosa-dosanta.

Payo temanku, enda tuhu.Dilaki enda si enggo mate kira-kira 2000 tahun si lewat mate jadi penebusen dosa kerina doni enda. Ia mate guna kerina jelma i bas jaman si nai, i bas paksa si genduari ras i bas wari si pepagi. Ertina Ia mate guna kam, itebusiNa dosa-dosandu gelah kam terkelin. Keleng ateNa manusia seh maka mate Ia guna kerina manusia i datas kayu persilang.

Juruselamat enda eme manusia Yesus Kristus, si ternyata asal-usulNa ilahi, manusia enda Yesus Kristus ngaku Dibata jine! tuhu nge e. Dibata jine, si nepa alam semesta nusur ku doni enda sebage manusia si tuhu-tuhu, sepenuhna manusia ras sepenuhna Dibata : Yesus Kristus. Ia pe igelari anak Dibata.

Enda pe isaksiken saksi mata si ngidah Ia 2000 tahun si lewat, tercatat i bas sejarah maka Yesus Kristus mate sekitar umur 33 tahun ras itamaken i bas kuburen si ijaga rombongen prajurit piga-piga wari dekahna gelah ola lit si nangko mait Yesus.

Jenari ibas wari sipe-3-ken isaksiken maka Yesus Kristus keke ibas simate nari, naluken kematen.) sekitar 500 kalak ngidah Yesus Kristus keke ibas simate nari kenca Ia mate guna doni enda ras ikuburken.

Jenari sepanjang 40 wari piga-piga kalak ngidah Jesus nangkih ku surga tupung ijanjiken maka Jesus Kristus reh mulihi guna ngalo-ngalo doni si mbaru i ja kerina kalak si tek man Jesus, kalak si enggo erkiniteken man baNa selaku Tuhan ras Juruselamatna, mate ntah nggeluh ngaloken kula si ipermuliaken tupung Ia mulihken, kalak si mate si tek i bas waktu si KerehenNa iubah ras ngaloken kula si imuliaken ras nikmati kegeluhen si rasa lalap seh rasa lalap bagi kematen ras dosa ras kejahaten si dungna italuken.

Enggo, temanku Jesus lenga reh, tapi reh me Ia, janah Jesus lanai ndekah reh mulihken. Jadi, enggo nge kam ersikap guna kerehenNa? ntah kam iukum ku neraka erkiteken la kam ngaloken pengalemi dosa arah kai si enggo ilakoken Jesus man bandu?

Idahndu temanku, aku ras kam selaku kalak perdosa la banci ndatken keselamatenta. Kita harus ngalokenca sebage pemere Dibata si gratis arah kiniteken man Yesus Kristus ras kai si enggo ilakokenNa, maka Ia mate guna nebusi dosa-dosanta, ikuburken kenca si e keke i bas si mate nari secara jasmani, naluken kematen ras maka i bas Ia ngenca kita banci ngaloken kegeluhen si rasa lalap ras keselamaten.

Kiniteken man Jesus labo terjeng pengakun fakta kerna Ia, kiniteken man Jesus eme ernalem man baNa, tapi ernalem man Jesus guna keselamaten, pengalemi dosa ras kegeluhen si rasa lalap. Adi lit kinitekenndu man Jesus pasti ikutkenndu Ia. "Sekali ngenca Ia bengket ku bas ingan si badia, labo alu dareh kambing ntah anak lembu, tapi alu darehNa jine, alu bage Ia ndatken penebusen si rasa lalap."

Jesus Kristus sendiri ngatakenca 2000 tahun si lewat: “Sabap bage pengkelengi Dibata doni enda, e maka iberekenNa AnakNa sitonggal, gelah ola bene ise pe si tek man baNa, tapi gelah dat kegeluhen si tuhu-tuhu si la erkeri-kerin.

Bagepe, Jesus enggo erpadan 2000 tahun si lewat man ise pe si tek man baNa: “Kukataken man bandu: Ise si megiken kataKu, dingen tek man si nuruh Aku, ialokenna kegeluhen si tuhu-tuhu si la erkeri-kerin, janah lanai ia iukum, tapi enggo ndarat i bas kematen nari ku bas kegeluhen.”

Kukataken man bandu: Situhuna ise pe si tek ialokenna me kegeluhen si tuhu-tuhu si la erkeri-kerin.”

Bagepe nina Jesus man bandu sendah temanku, ‘ikutkenlah Aku’: “Ise atena ngikutken Aku, arus ipersilahangna dirina, ipersanna kayu persilangna, jenari ikutkenna Aku.” Yesus kap dalan, kebenaren ras kegeluhen, La ise pe ndahi Dibata adi la arah Ia. Ikutkenlah Jesus sebab Ia ngenca ngasup nelamatken tendindu.

……………………………………………………………………………………………………

Nina Jesus: “Aku kap kekeken ras kegeluhen, ise si tek man bangKu nggeluh me aminna pe ia mate.

....................................................................................................

Temanku, kerina kalak enggo erdosa janah lanai ndatken kemulian Dibata, janah enggo ikataken benar erkiteken lias ateNa erkiteken penebusen si enggo itebusi Kristus Jesus. Sabap erkiteken lias ate Dibata nge maka kam nggo terkelin, erkiteken tek kam man Dibata. Janah si e labo bekas perbahanenndu, tapi pemere Dibata kap. labo erkiteken perbahanenndu, gelah ula lit kalak si meganjang ukurna. E maka jeralah janah mulihlah, gelah dosa-dosandu ialemi, gelah reh paksa-paksa kemalemen ate i bas adep-adepen Tuhan nari.

Sabap upah dosa e me kematen, tapi pemere Dibata si la erkeri-kerin e me kegeluhen si tuhu-tuhu si la erkeri-kerin i bas persadan ras Kristus Jesus Tuhanta. Dibata nggo ncidahken kekelengenNa man banta alu nuruh AnakNa si Tonggal ku doni enda, gelah kita nggeluh arah Ia.

Enda me kekelengen e: labo kita si nggo ngkelengi Dibata, tapi IA nge si ngkelengi kita, janah isuruhNa AnakNa jadi persembahen pengalemi dosa-dosanta. Tapi Dibata nggo ncidahken keleng ateNa man banta, alu mate Kristus guna kita asum kita perdosa denga.

Dage terlebih-lebih me genduari kita ikelini Dibata i bas pernembeh ate Dibata nari arah Ia.

Dibata amin gia Ia 3 pribadi si berbeda, Bapa, Anak (Yesus Kristus), ras Kesah Si Badia, Ia hanya sada mahluk, sada ngenca Dibata si 3 pribadi si berbeda (labo 3 dibata si berbeda) Dibata bapa ras Dibata Kesah Si Badia sepenuhna Dibata, Yesus Kristus pe sepenuhna Dibata aminna pe Ia pe sepenuhna manusia jadilah bagi kita, a! Jesus eme Dibata ras manusia ibas paksa si seri! Yesus eme juru selamat doni enda. Temanku la lit gelar si deban i teruh langit si enggo ibereken Dibata man manusia si banci nelamatken kita selain gelar Jesus Kristus.

Jesus mate guna kam guna ngalemi dosandu, enggo idalaniNa seh kal buena kiniseran ras kiniseran gelah alu kematenNa kam banci ialemi ras ijamin kegeluhen si rasa lalap aminna pe banci saja kam mate, lit wari kekeken ras lit doni si enggo ipulihken ras surga si enggo ipulihken.

Kuajuk kam gelah teklah man Jesus Kristus selaku Tuhan ras Juruselamatndu. Tolong teklah man berita si meriah ope denga terlambat. Ertobat (bertobat ibas dosa nari ras berbalik kempak Dibata) ras ernalem alu penuh man Yesus Kristus ibas wari enda. Mbera-mbera kam lebih erlajar kerna Dibata ras ngoge kerna Ia erkiteken Ia mperdiateken kam (“Ampekenlah kerina kearun atendu man baNa, sabap Ia mperdiateken kam.”). Ikutkenlah Jesus mulai wari enda, ula timai! Pagi labo terjamin! Adi lit penungkunenndu, ula kam mbiar...