Barita na umbalga na hea masa ndang boi antusan molo so jolo diantusi parsoalan ni portibi on. Diida ho do donganku, hita songon jolma mardosa.Sude do mardosa jala hurang sian hamuliaon ni Debat

Barita na umbalga na hea masa ndang boi antusan molo so jolo diantusi parsoalan ni portibi on. Diida ho do donganku, hita songon jolma mardosa.

Sude do mardosa jala hurang sian hamuliaon ni Debata, tutu, ndang adong jolma na tigor di portibi on na tongtong mangulahon na denggan jala na so hea mardosa.

Dosanta i do na manirang hita sian Debata, dosa i do racun jala ahu dohot ho ale dongan, nunga mardosa hita tu Debata jala patut do hita hona uhuman salelenglelengna di banuatoru jala ingkon uhumon ni Debata do hita ala ni dosanta molo so disesa Debata dosanta.

Molo so boi hita malua sian dosanta dohot sian na masuk tu banua toru, ndang dapot hita hangoluan na saleleng ni lelengna rap dohot Debata. Tondi na mardosa ingkon mate do. Adong 2 tujuan akhir ni hajolmaon. Adong do na laho tu banuatoru, tu uhuman salelenglelengna jala adong do na mandapot hangoluan salelenglelengna di banua ginjang dohot tano na imbaru.

Hasintongan on nunga dipapatar tu hita ala marribu taon na salpu, Debata na manompa saluhut portibi on manghatai tu jolma taringot tu “sipalua” na tubu di portibi on jala manghangoluhon ngolu na tigor na so adong dosana manang aha pe.

Nunga disurirangkon marribu taon na salpu na ingkon bunuon ni bangsoNa dohot angka na marhuaso do halak on, hombar tu Buku Kristen dohot haporseaon nunga disuriranghon marratus taon andorang so tubu Ibana na ingkon bunuon jala tarsilang Ibana di hau pinarsilang jala pasahatonNa hosaNa gabe pardengganan, gabe pelean ala ni dosanta.

Olo ale dongan, tutu do on.Baoa on naung monding hira-hira 2000 taon na salpu, mate do ibana gabe pardengganan ni dosa ni sandok portibi on. Mate do Ibana humophop saluhut jolma di tingki naung salpu, di tingki nuaeng dohot di tingki na naeng ro. Na marlapatan mate do Ibana humophop ho, ditobus do dosam asa malua ho. Dihaholongi Ibana do jolma i sahat tu na mate Ibana humophop nasida saluhutna di hau pinarsilang.

Sipalua on ima jolma Jesus Kristus, na ternyata asal-usulNa ilahi, jolma on Jesus Kristus mengklaim dirina Debata sandiri! tutu do i. Debata sandiri, sitompa alam semesta tuat tu portibi on gabe jolma na nyata, gok jolma jala gok Debata: Jesus Kristus. Ibana do na targoar anak ni Debata.

Laos i do dihatindanghon angka saksi mata na marnida Ibana 2000 taon naung salpu, tarsurat do di sejarah na mate Jesus Kristus hira-hira marumur 33 taon jala dipeakkon di sada tanoman na dijaga sapunguan soldadu manang na piga ari asa unang adong na manangko bangke ni Jesus.

Dungi di ari pa-3-hon dihatindanghon do muse Jesus Kristus mulak mangolu (dihehe sian hamatean, manaluhon hamatean.) hira-hira 500 halak ma marnida Jesus Kristus hehe sian hamatean dung mate Ibana humophop portibi on jala ditanom.

Dung i saleleng 40 ari pigapiga halak marnida Jesus manaek tu banua ginjang di na dijanjihon na mulak do Jesus Kristus muse laho mangadopi portibi na imbaru di na sude angka na porsea di Jesus, angka na marhaporseaon di Ibana songon Tuhan jala Sipaluana, naung mate manang na mangolu manjalo daging na marmulia dung mulak Ibana, angka na mate na porsea sian angka na mate i do muse, HaroroNa i gabe muba jala manjalo pamatang na marmulia jala menikmati hangoluan na saleleng ni lelengna songon hamatean dohot dosa dohot hajahaton na ujungna talu.

Tole, ndang ro dope alealengku Jesus i, alai ro do Ibana, jala tibu do Jesus i mulak. Jadi, rade do hamu di haroroNa? manang na hona uhum do ho tu banuatoru ala so dijalo ho hasesaan ni dosa marhite na binahen ni Jesus tu ho?

Diida ho do donganku, ahu dohot ho songon pardosa ndang boi mandapot haluaonta. Ingkon jaloonta do i songon silehonlehon na gratis sian Debata marhite haporseaon di Jesus Kristus dohot na binahenNa, naung mate Ibana laho manesa dosanta, ditanom dung i hehe sian na mate mardaging, manaluhon hamatean jala holan dibagasan Ibana do hita boi manjalo hangoluan dohot haluaon na saleleng ni lelengna.

Haporseaon tu Jesus ndang holan mangakui fakta taringot tu Ibana, haporseaon tu Jesus ima marhaposan tu Ibana, i ma na marsigantung tu Jesus laho mandapot haluaon, hasesaan ni dosa dohot hangoluan na saleleng ni lelengna. Molo porsea ho di Jesus ihuthononmu do Ibana. "Sahali do Ibana bongot tu inganan na badia i, ndada marhitehite mudar ni hambing dohot anak ni lombu, alai marhitehite mudarna sandiri do, asa dapotan haluaon salelenglelengna."

Jesus Kristus sandiri mandok 2000 taon na salpu: “Ai songon on do holong ni roha ni Debata di portibi on, pola do AnakNa na sasada i dilehon, asa unang mago ganup na porsea di Ibana, asa hangoluan na saleleng ni lelengna di ibana.

Laos dibagabagahon Jesus do 2000 taon na salpu tu manang ise na porsea di Ibana: “Situtu do na hudok on tu hamu: Na tumangihon hatangku jala porsea di na marsuru Ahu, nunga dapotan hangoluan salelenglelengna, jala ndang sahat ibana tu uhum, nunga malua sian hamatean tu hangoluan.”

Tutu situtu do na hudok on tu hamu: Manang ise na porsea, dapotna do hangoluan na saleleng ni lelengna.”

Laos didok Jesus do tu ho sadarion ale dongan, ‘ihuthon ma Ahu’: “Molo adong na naeng mangihuthon Ahu, disoadahon ma dirina, diporsan ma silangna, jala diihuthon ma Ahu.” Jesus do dalan, hasintongan dohot hangoluan, Ndang adong na sahat tu Debata ia so marhitehite Ibana. Ihuthon ma Jesus ai holan Ibana paluahon tondimi.

………………………………………………………………………………………………………………………………………….

Jesus mandok: “Ahu do haheheon dohot hangoluan, na mangolu do na porsea di Ahu nang pe mate ibana, jala ganup na mangolu jala na porsea di Ahu, na so tupa mate salelenglelengna, porsea do ho disi?”

…………………………………………………………………………………………………………….

Ale donganku ala saluhut do mardosa jala hurang sian hasangapon ni Debata, gabe dipintori songon silehonlehon marhite asi ni rohaNa marhitehite panobusion na di bagasan Kristus Jesus; Ai sian asi ni roha do umbahen na malua hamu, marhitehite haporseaon; jala silehonlehon ni Debata do i ndada sian hamu; ndada hinorhon ni pambahenan, asa unang adong na mamuji dirina. Antong pauba ma roham jala mulak ma ho, asa disesa dosam, asa ro angka tingki hasonangan sian adopan ni Tuhan i.

Ai upa tinuhor ni dosa do hamatean, alai basabasa ni Debata do hangoluan salelenglelengna di bagasan Kristus Jesus Tuhanta i. Marhite on do patar holong ni roha ni Debata di hita, disuru Debata do AnakNa na sasada i tu portibi on, asa mangolu hita marhitehite Ibana.

Di bagasan on do haholongon i, ndada hita manghaholongi Debata, alai Ibana do na manghaholongi hita jala disuru do AnakNa bahen pardengganan pasaehon dosanta. Alai dipatuduhon Debata do holong ni rohaNa tu hita, ai mate do Kristus humophop hita uju pardosa dope hita.

Antong lam malua ma hita nuaeng sian rimas ni Debata marhitehite Ibana, dung dipintori hita hinorhon ni mudarNa i.

Debata nang pe Ibana 3 pribadi na marasing, Ama, Anak (Jesus Kristus), dohot Tondi Parbadia, holan sada do Ibana hadirion, holan sada do Debata na 3 pribadi na marasing (ndang 3 debata na marasing) Debata ama dohot Debata Tondi Parbadia i Debata na gok, Jesus Kristus pe Debata na gok do nang pe Ibana pe gok jolma be songon hita, a ! Jesus do Debata jala jolma sekaligus! Jesus do sipalua portibi on. Ale dongan ndang adong goar na asing di toru ni langit naung dilehon tu jolma na ingkon paluahon hita asing ni goar ni Jesus Kristus.

Mate do Jesus humophop ho laho manesa dosam, dibolus Ibana do godang ni hansit dohot sitaonon asa marhite hamamateNa i boi ho disesa jala dijamin hangoluan na saleleng ni lelengna nang pe olo mate ho, adong do ari haheheon jala adong do tano na pinauli dohot surgo na pinauli.

Husosohon ma asa porsea hamu di Jesus Kristus Tuhanmuna jala Sipalua hamu. Tolong ma porsea hamu tu barita na uli i andorang so tarlambat. Pauba roham (marbalik sian dosa jala mulak tu Debata) jala marhaposan situtu tu Jesus Kristus sadari on. Sai lam godang ma diboto hamu taringot tu Debata jala lam godang dijaha hamu taringot tu Ibana ala disarihon Ibana hamu ("Tinggangkon hamu ma nasa holso ni rohamuna tu Ibana, ai disarihon Ibana do hamu."). Ihuthon ma Jesus mulai sadari on, unang paima! Marsogot ndang tarjamin! Molo adong sungkun-sungkun, unang pola mabiar...