Barita na paling banggal lang boi iarusi anggo lape iarusi hita lobei masalah ni dunia on.

Barita na paling banggal lang boi iarusi anggo lape iarusi hita lobei masalah ni dunia on. Iidah ham do hasoman, mardousa do hita sebagai jolma.

Haganupan domma mardousa janah hurang bani hasangapon ni Naibata, tongon lang adong jolma parpintor i tanoh on na tongtong mangkorjahon na madear anjaha na so ongga mardousa.

Dousanta aima sesuatu na manirang hita humbani Naibata, dousa aima racun janah ham pakon ahu, hasoman, domma mardousa dompak Naibata janah talup do hita iuhum sadokah ni dokahni i narako janah maningon iuhumi Naibata do hita halani dousanta anggo lang isasap Naibata hita.

Anggo seng boi maluah hita humbani dousanta ampa humbani na masuk hu naraka, seng boi dapot hita hagoluhan na sadokah ni dokahni rap pakon Naibata. Tonduy na mardousa maningon matei do. Adong 2 tujuan akhir bani jolma. Deba masuk hu naraka, hu uhuman sisadokah ni dokahni anjaha deba dapotan hagoluhan na sadokah ni dokahni i surga na baru pakon tanoh na baru.

Hasintongan on domma ipatalar hubanta halani marribu tahun na salpu, Naibata na gabe panompa ni ganup alam semesta marsahap hubani jolma pasal “sipaluah” na laho tubuh i tanoh on janah manggoluh ibagas hapintoron na lang mardousa atap aha pe.

Domma panjahaion marribu tahun na salpu paboa halak on ibunuh bangsa-Ni sandiri pakon kuasa-Ni, mangihutkon Surat pakon haporsayaon ni halak Kristen domma panjahaion marratus tahun paima tubuh Ia paboa Ia ibunuh janah iparsilangkon bani hayu parsilang janah iondoskon do hosah-Ni gabe pardearan, gabe galangan halani dousanta.

Tongon, hasoman, tongon do on. Halak on na dob matei hira-hira 2000 tahun na salpu matei do ia gabe pardearan bani dousa ni ganup dunia on. Matei do Ia mangkopkop ganup jolma bani panorang na dob salpu, sonari, pakon na laho roh. Artini matei do Ia mangkopkop ham, Ia do na manobus dousamu ase maluah ham. Holong do uhur-Ni bani jolma ronsi matei Ia mangkopkop sidea haganup bani hayu parsilang.

Sipaluah on aima jolma Jesus Kristus, na ternyata asal-usul-Ni aima ilahi, jolma on Jesus Kristus mangkatahon dirini Naibata sandiri! tongon do ai. Naibata sandiri, panompa ni alam semesta on tuad hu tanoh on sebagai jolma na nyata, gok jolma janah gok Naibata: Jesus Kristus. Ia do igoran Anak ni Naibata.

Hal on pe isaksihon saksi mata na mangidah-Si 2000 tahun nasalpu, tercatat do bani sejarah bahasa Jesus Kristus marujung goluh hira-hira umur 33 tahun janah itanom bani kuburan na ijaga sekelompok tentara piga-piga ari ase ulang adong na manangko bangkei ni Jesus.

Dob ai bani ari pa-3-hon isaksihon ma Jesus Kristus mulak manggoluh (puho humbani na matei, manaluhon hamateian.) hira-hira 500 halak do na mangidah Jesus Kristus puho humbani na matei dob matei Ia mangkopkop dunia on janah itanom.

Dob ai sadokah 40 ari piga-piga halak mangidah Jesus naik hu surga sanggah ijanjihon bahwa Jesus Kristus roh use laho mamboan dunia na baru ijai haganup na porsaya bani Jesus, sidea na marhaporsayaon Bani sebagai Tuhan ampa Sipaluah ni sidea, na dob matei atap na manggoluh manjalo angkula na marmulia sanggah Ia mulak, halak na porsaya na dob matei pe puho do humbani na matei, anjaha na manggoluh bani panorang parroh-Ni gabe mubah janah manjalo angkula na marmulia janah menikmati hagoluhan na sadokah ni dokahni halani hamateian pakon dousa ampa hajahaton ujungni talu.

Tongon, hasomanku Jesus lape roh, tapi roh do Ia, anjaha podas do Jesus roh. Jadi, domma sirsir ham bani parroh-Ni ai? atap hona uhum do ham hu naraka halani lape ijalo ham hasasapan ni dousa marhitei na binahen ni Jesus bamu?

Iidah ham do hasomanku, ahu pakon ham songon pardousa lang boi mandapotkon haluahonta. Maningon ijalo hita do ai songon sibere-bere gratis humbani Naibata marhitei haporsayaon bani Jesus Kristus ampa aha na binahen-Ni, paboa matei do Ia laho manobus dousanta, itanom dob ai puho humbani na matei secara jasmani, manaluhon hamateian janah pitah ibagas Ia do hita boi manjalo hagoluhan ampa haluahon na sadokah ni dokahni.

Haporsayaon bani Jesus lang pitah mangakui fakta-fakta pasal-Si, haporsayaon bani Jesus aima porsaya hu-Bani, tapi marpangunsandeian bani Jesus do ai bani haluahon, hasasapan ni dousa ampa hagoluhan na sadokah ni dokahni. Anggo porsaya ham bani Jesus iihutkon ham do Ia. “Sahali do Ia masuk hubagas ianan na mapansing in, sedo marhitei daroh ni hambing tunggal ampa anak ni lombu, tapi marhitei daroh-Ni sandiri do, ase dapot haluahon sadokah ni dokahni.”

Jesus Kristus sandiri mangkatahon 2000 tahun na salpu: “Ai sonon do holong ni uhur ni Naibata bani dunia on, pala do Anakni na sasada in iberehon, ase ulang magou sagala na porsaya Bani, tapi ase hagoluhan na sadokah ni dokahni bani, seng hona uhum na porsaya Bani, na so porsaya domma hona uhum, ai seng porsaya ia bani goran ni Anak sasada ni Naibata.

Sonai homa, Jesus marjanji 2000 tahun na salpu hubani ise na porsaya Bani: “Na sintong tumang do na Huhatahon on bannima: Na mambogei hatang-Ku anjaha porsaya bani na marsuruh Ahu, dapotan hagoluhan na sadokah ni dokahni do ia, anjaha seng be roh hu paruhuman, tapi domma luar ia humbani hamateian hu hagoluhan.”

Na sintong tumang do na Huhatahon on bannima: Barang ise na porsaya, dapotan hagoluhan na sadokah ni dokahni.”

Sonai homa, nini Jesus bamu sadari on hasomanku, ‘irikkon ma Ahu’: “Barang ise na sihol mangirikkon Ahu, maningon parnalangonni do dirini, iporsan ma silangni, dob ai irikkon ma Ahu”. Jesus do dalan, hasintongan pakon hagoluhan, Seng dong na das bani Naibata anggo lang marhiteihon-Si. Irikkon ham ma Jesus halani pitah Ia do na boi paluahkon tonduymu.

.......................................................................................................................................................

Jesus mangkatahon, “Ahu do parpuhoon pakon hagoluhan, na porsaya Bangku, manggoluh do age matei ia, anjaha sagala na manggoluh anjaha na porsaya Bangku, seng anjai matei ia sadokah ni dokahni, porsaya do hanima in?”

...............................................................................................................

Hasomanku, haganup do mardousa anjaha seng das bani hasangapon ni Naibata, ipintori do sidea songon sibere-bere marhitei idop ni uhur-Ni, marhitei panobusion na ibagas Kristus Jesus; Ai marhitei idop ni uhur do ase maluah nasiam, marhitei haporsayaon; anjaha sedo humbani diri nasiam, sibere-bere ni Naibata do ai; ulang ma halani horja, ase ulang adong na mamuji diri. Halani ai paubah nasiam ma uhur nasiam, anjaha mulak ma nasiam, ase sasap dousa nasiam, ase roh panorang hasonangan hun lobei ni Tuhan in.

Ai upah ni dousa, ai ma hamateian, tapi silayak-layak ni Naibata, ai ma hagoluhan na sadokah ni dokahni ibagas Kristus Jesus Tuhanta in. Hunjon do talar holong ni uhur ni Naibata banta, ai ma marhitei na marsuruh Anak-Ni na sasada in hu dunia on, ase manggoluh hita marhiteihon-Si.

Ibagas on do holong ai, sedo hita na mangkaholongi Naibata, tapi Ia do na mangkaholongi hita, anjaha isuruh do Anak-Ni bahen pardearan pasaloseihon dousanta. Tapi ipatalar Naibata do holong ni uhur-Ni banta, marhitei na matei Kristus mangkopkop hita, sanggah pardousa ope hita.

Ase lambin maluah ma hita humbani ringis ni Naibata marhiteihon-Si, dob ipintori hita marhitei daroh-Ni.

Naibata pori pe Ia 3 pribadi na berbeda, Bapa, Anak (Jesus Kristus), pakon Tonduy Napansing, Ia pitah sada hadirion, pitah sada do Naibata na 3 pribadi na berbeda (lang 3 Naibata na berbeda) Naibata bapa pakon Naibata Tonduy Napansing aima Naibata na gok, Jesus Kristus pe Naibata na gok pori pe Ia pe jolma na gok songon hita, jolma! Jesus aima Naibata pakon jolma bani panorang na sarupa! Jesus do sipaluah dunia on. Hasomanku, seng dong goran na legan itoruh ni langit na ibere bani jolma, na boi paluahkon hita sobali goran ni Jesus Kristus.

Matei do Jesus mangkopkop ham laho manasap dousamu, domma ibolus Ia buei tumang sitaronon ampa sitaronon sehingga marhitei parmatei-Ni boi ham isasap janah ijamin hagoluhan na sadokah ni dokahni pori pe ra ham matei, adong do ari parpuhoon janah adong do tanoh na dob ipulihkan pakon langit na dob ipulihkan.

Hupaingat ma ham ase porsaya ham bani Jesus Kristus Tuhanmu ampa Sipaluah ham. Tolong ma porsaya bani barita na madear paima tarlambat. Paubah uhur (mulak humbani dousa janah mulak hubani Naibata) janah porsaya ma gok bani Jesus Kristus sadari on. Sai lambin iparlajari ham ma pasal Naibata janah lambin ibasa ham pasal-Si halani isarihon do ham (“Ompaskon nasiam ma sagala holsoh ni uhur nasiam hu Bani, ai isarihon do nasiam.”). Irikkon ma Jesus mulai sadari on, ulang paima-imahon! Patar lang tarjamin! Lang pala mabiar nassiam manungkun atap aha pe...